សារព័ត៌មាន នគរវត្ត តែងតែនាំមុខគេជានិច្ច
ចាប់តាំងពីប្រធានាធិបតី ហ្វីលីពីន Rodrigo Duterte បានដាក់បញ្ជាយ៉ាងម៉ឺងម៉ាត់ឲ្យកងទ័ពហ្វីលីពីនកម្ទេចក្រុមភេរវជន Abu Sayyaf ឲ្យអស់ ប្រមុខរដ្ឋហ្វីលីពីនរូបនេះអះអាងថា បើសិនជាមិនកម្ចាត់ក្រុមប្រដាប់អាវុធនេះ ទេ ក្នុងរយៈពេលបីទៅ ៧ឆ្នាំ ហ្វីលីពីនអាចនឹងឆ្លងជំងឺរបស់«ភេរវជនរដ្ឋឥស្លាម» ដែរ។ វាជារឿងគួរឲ្យបារម្ភ ព្រោះកាលពីខែមិថុនា ក្រុមប្រដាប់អាវុធនៅMindanao នេះបានបង្ហាញភក្តីភាពចំពោះក្រុមភេរវជនដែស្ហឬក្រុមរដ្ឋឥស្លាមដែរ។ លោក Duterte ក៏សន្យាថា ដើម្បីសម្រួលដល់ប្រតិបត្តិការកម្ចាត់ក្រុមភេរវជន ដោយធ្វើយ៉ាងណាបំពាក់សព្វាវុធចាំបាច់និងទំនើបដល់កងទ័ព។
រយៈពេលជាង ២០ឆ្នាំមកនេះ ក្រុមប្រដាប់អាវុធ Abu Sayaff បានធ្វើព្យុះធ្វើភ្លៀងនៅហ្វីលីពីន ហើយបង្កអសន្តិសុខខ្លាំងនៅក្នុងប្រទេស។ ការចាប់ជម្រិត កាត់ក្បាល បង្កឲ្យប្រជាជនភ័យខ្លាច និងបំផ្ទុះគ្រាប់បែកជាជំនាញនិងអត្តសញ្ញាញរបស់ក្រុមប្រដាប់អាវុធនេះ។ ថ្វីបើវាតូចមែន តែបើគ្មានចំណាត់ការត្រឹមត្រូវ វានឹងរីកធំធាត់ និងចងបណ្តាញជាមួយក្រុមភេរជននៅក្រៅប្រទេសដើម្បីបង្កើតសាខាថ្មីទៀត។ ដូចឃើញស្រាប់ហើយ កាលពីខែមិថុនា អង្គភាពប្រឆាំងភេរវកម្មហ្វីលីពីនបានអះអាងថា ក្រុមភេរវជនរដ្ឋឥស្លាមឬក្រុមដែស្ហបានទទួលស្គាល់ការប្រកាសបង្ហាញភក្តីភាពរបស់ក្រុម Abu Sayaff រួចហើយ។ នេះមានន័យថា ពួកគេនឹងអាចធ្វើសកម្មភាពក្រោមការណែនាំរបស់ក្រុមភេរវជនរដ្ឋឥស្លាមនៅពេលខាងមុខ។
នៅក្នុងការប៉ះទង្គិចគ្នា រវាងទាហានរដ្ឋាភិបាល និងក្រុម ភេរវករ កម្លាំងទាហានហ្វីលីពីនបាន សម្លាប់អ្នកឯកទេសផលិតគ្រាប់បែករបស់ក្រុមភេរវករដ៏សំខាន់ម្នាក់។ អ្នកឯកទេសម្នាក់របស់ក្រុម Abu Sayyaf ដែលត្រូវបានសម្លាប់នោះ ឈ្មោះ Nanz Sawadjaan ហើយជននេះមានជំនាញផលិតគ្រាប់បែក និងឧបករណ៍ផ្ទុះផ្សេងៗទៀតជាច្រើន សម្រាប់វាយប្រហារ បំផ្ទុះគ្រាប់បែក ឬ វាយប្រហារអត្តឃាត ទៅលើទីតាំងនានាក្នុងទឹកដីហ្វីលីពីន ក្នុងនោះមានការវាយប្រហារអត្តឃាត ពេលកន្លងមក ថ្មីៗ នៅក្នុងតំបន់ Sulu ផងដែរ។
អ្នកនាំពាក្យកម្លាំងទាហានហ្វីលីពីន កាលពីថ្ងៃទី១១ ខែកញ្ញា បានបញ្ជាក់ថា កម្លាំងសន្តិសុខ បានសម្លាប់អ្នកឯកទេសផលិតគ្រាប់បែករបស់ក្រុមភេរវករ Abu Sayyaf បានកើតឡើង ក្រោយការវាយប្រហារនៅក្នុងភូមិមួយដាច់ ស្រយាលស្ថិតនៅក្នុងខេត្តSulu ភាគខាងត្បូង ហ្វីលីពីន។
ភេរវជន ត្រូវបានសម្លាប់នោះឈ្មោះ Nanz Sawadjaan ជាប្អូនប្រុសរបស់លោក Hajan Sawadjaan មេដឹកនាំក្រុមភេរវករ Abu Sayyaf និងជាអ្នកឯកទេស ស្រាវជ្រាវផលិតគ្រាប់បែក ។
មេបញ្ជាការកម្លាំងពិសេសរបស់ទាហានហ្វីលីពីន នៅខេត្ត Sulu បានបញ្ជាក់ថា ការស្លាប់របស់ Nanz Sawadjaan គឺជាការបាត់បង់យ៉ាងធំធេង របស់ ក្រុមភេរវកម្ម Abu Sayyafក៏ដូចជាប៉ះពាល់យ៉ាងខ្លាំង ដល់គម្រោងពង្រីកទីតាំងគ្រប់គ្រងរបស់ក្រុមនេះ។
សូមបញ្ជាក់ថា ក្រុមឧទ្ទាម Abu Sayyaf បង្កើតឡើងក្នុងទសវត្សរ៍១៩៩០ ។ ក្រុមនេះល្បីល្បាញ់ពាសពេញពិភពលោកពីសកម្មភាពចាប់ជំរិតមនុស្សទាមទារប្រាក់លស់ និងកាត់ក្បាលជនរងគ្រោះដែលជាចំណាប់ខ្មាំងមិនរើសមុខ ។
រដ្ឋាភិបាលហ្វីលីពីន បានបង្កើតកងពលទាហានពិសេសមួយដើម្បីបោសសម្អាតក្រុមឧទ្ទាម នៅតំបន់ភាគខាងត្បូងមួយនេះ ។ កន្លងទៅ ក្រុមឧទ្ទាម Abu Sayyaf ដែលបានវាយប្រហារគ្រាប់បែក២គ្រាប់ នៅព្រះវិហារសាសនា ក្នុងតំបន់ Jolo ខេត្តSulu សម្លាប់មនុស្ស២៣នាក់ និងជាង១០០នាក់រងរបួស ៕
