សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កាលពីរសៀលថ្ងៃអង្គារ ១២កេីត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១០ ខែកញ្ញា ឆ្នាំ២០១៩ រដ្ឋបាលខណ្ឌសែនសុខមានរៀបចំពិធីប្រកាសផ្ទេរតំណែងប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌសែនសុខ ក្រោមអធិបតីភាព លោក សារិន វណ្ណា ប្រធានមន្ទីររៀបចំដែនដី នគរូបនីយកម្ម សំណង់ និងភូមិបាលរាជធានីភ្នំពេញ លោកស្រី ឈាន សុខេន ប្រធានក្រុមប្រឹក្សាខណ្ឌសែនសុខ និងលោក សក់ ច័ន្ទកញ្ញារិទ្ធ អភិបាលរងខណ្ឌសែនសុខ តំណាងលោក ម៉ូវ ម៉ានិត អភិបាលខណ្ឌ និងមានការអញ្ជើញចូលរួមពីលោក-លោកស្រីសមាជិកក្រុមប្រឹក្សាខណ្ឌ មន្រ្តីរាជការមន្ទីរ ការិយាល័យពាក់ព័ន្ធ សង្កាត់ ភូមិសរុបប្រមាណ ៣០០នាក់ ។
ពិធីផ្ទេរភារកិច្ចនេះ ត្រូវបានប្រកាសតែងតាំងលោក ប៉ោយ ប៉ូលី ជាប្រធានរៀបចំដែនដី នគរូបនីយកម្ម សំណង់ និងភូមិបាលខណ្ឌសែនសុខ ជំនួសលោក ពៅ ណារិទ្ធ ដែលត្រូវបានផ្ទេរទៅបម្រើការងារនៅមន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានីភ្នំពេញ និងផ្ទេរលោក ថន វណ្ណារ៉ា អនុប្រធានការិ.ដនដ ភូមិបាលខណ្ឌទួលគោក មកជាអនុប្រធាន ដនស ភូមិបាលខណ្ឌសែនសុខ ៕ ច័ន្ទលីស្សា
