សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួនបីនាក់បានធ្វើសកម្មភាពវាយប្លន់យកម៉ូតូពីគូស្នេហ៍មួយគូបានសម្រេចកាលពីវេលាម៉ោង១និង៥៥នាទី រំលងអធ្រាត្រ ឈានចូលថ្ងៃទីថ្ងៃទី១១ ខែកញ្ញា ឆ្នាំ២០១៩ ចំណុច ផ្លូវបេតុង ភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ ហេីយព្យាយាមគេចខ្លួនរហូតមកដល់មកដល់ថ្ងៃទី១៤ខែកញ្ញាទេីបកម្លាំងនគរបាលស្រាវជ្រាវឃាត់ខ្លួនជាបន្តបន្ទាប់ ។
សមត្ថកិច្ចបានប្រាប់ថា ជនសង្ស័យទី១ មានឈ្មោះ ជឹង សឹង ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅបន្ទប់ជួលភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ (គេចខ្លួន) ។ ទី២ មាន ឈ្មោះ សេង វង្ស ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅបន្ទប់ជួលភូមិចំការឪឡឹក២ សង្កាត់កាកាប២ ខណ្ឌពោធិ៍សែនជ័យ ។ ទី៣ មានឈ្មោះ យ៉ុងឆេង ភេទប្រុស អាយុ២៧ឆ្នាំ មុខរបរកម្មកររោងចក្រ ស្នាក់នៅបន្ទប់ជួលភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ ។ ទី៤ ផ សុវណ្ណ ភេទប្រុសអាយុ ២៣ឆ្នាំ មុខរបរមិនពិត ស្នាក់នៅបន្ទប់ជួលភូមិចំការឪឡឹក១សង្កាត់កាកាប១ ខណ្ឌពោធិ៍សែនជ័យ ។ ទី៥ ឈ្មោះ ធូ រដ្ឋា ភេទប្រុស អាយុ២៣ឆ្នាំ មុខរបរសន្តិសុខ ស្នាក់នៅបន្ទប់ជួលភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ ។
ជនរងគ្រោះមានឈ្មោះ យ៉ង់ វិច្ឆិកា ភេទប្រុស អាយុ១៧ឆ្នាំ មុខរបរកម្មកររោងចក្រស្នាក់នៅបន្ទប់ជួលភូមិចំការឪឡឹក២ សង្កាត់កាកាប១ខណ្ឌពោធិ៍សែនជ័យ ។ ម៉ូតូដែលជនសង្ស័យ ប្លន់យកម៉ាក HUN JEA SEALING ស៊េរី២០១៨ ផលិតនៅប្រទេសចិន ពណ៌ខ្មៅ ពាក់ស្លាកលេខ1K-6730. ។
តាមសម្តីជនរងគ្រោះបានបញ្ជាក់ប្រាប់សមត្ថកិច្ចថាកាលពីថ្ងៃទី១១ខែកញ្ញាឆ្នាំ២០១៨វេលាម៉ោងប្រហែល១ និង៣៥នាទីរំលង អធ្រាត្រ ខ្លួន និងមិត្តស្រី ពេលត្រឡប់មកពីដើរលេងវិញដល់ជិតបន្ទប់ជួលមិនទាន់ងងុយក៏ជជែកគ្នាលេងនៅលើផ្លូវបេតុងក្បែរសាលាប្រាយថាមស្ថិតក្នុងភូមិចំការឪឡឹក២សង្កាត់កាកាបទី២ខណ្ឌពោធិ៍សែនជ័យបានប្រហែល២០នាទីពេលពួកខ្លួនកំពុងជជែកគ្នានោះស្រាប់មានជនសង្ស័យមិនស្គាល់អត្តសញ្ញាណចំនួន០៣នាក់ស្លៀកពាក់ស៊ីវិលមានម្នាក់កាន់ដំបងឈើជ្រុងមួយកំណាត់សំដៅមកពួកខ្លួនហើយធ្វើសកម្មភាពប្លន់យកម៉ូតូរបស់ខ្លួន និងជិះគេចបាត់តែម្តង ។ លុះព្រឹកថ្ងៃដដែលជនរងគ្រោះក៏បានមករាយការណ៍ និងដាក់ពាក្យបណ្ដឹងនៅប៉ុស្តិ៍នគបាលរដ្ឋបាលកាកាបទី២រហូតដល់ថ្ងៃទី១៤ខែកញ្ញាឆ្នាំ២០១៩កម្លាំងសមត្ថកិច្ចបានធ្វើការស្រាវជ្រាវ និងកំណត់មុខសញ្ញាជនសង្ស័យបានម្នាក់ក៏នាំមកប៉ុស្ដីដើម្បីសាកសួររួចឈានដល់ឃាត់ខ្លួនបក្សពួកជនសង្ស័យបាន០៣នាក់ផ្សេងទៀតជាបន្តបន្ទាប់នៅទីតាំងផ្សេងគ្នាក្នុងសង្កាត់កាកាបទី១ ។
ក្រោយឃាត់ខ្លួនសមត្ថកិច្ចដកហូតសម្ភារដូចជាម៉ូតូមួយគ្រឿងម៉ាក ស្កូបពីតូច (MINI)ពណ៌ផ្កាឈូក គ្មានស្លាកលេខ ។ ក្រាមសថ្លាចំនួន២កញ្ចប់ថង់តូច និងឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យបានបញ្ជូនទៅកាន់ផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យដើម្បីសួរនាំ និងឃុំខ្លួនជាបណ្តោះអាសន្នរង់ចាំបញ្ជូនទៅតុលារការចាត់ការតាមនិតិវិធីច្បាប់ ៕ សុខាសែនជ័យ
