សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ របាំងថ្មពុះចែកទ្រូងផ្លូវនៅលើដងផ្លូវម៉ៅសេទុងបង្កគ្រោះថ្នាក់ជាញឹកញាប់ដោយសាររបាំងថ្មតាមបណ្តោយផ្លូវនេះពុំមានចំណាំងផ្លាត ។
ជាក់ស្តែងនៅវេលាម៉ោង៨យប់ ថ្ងៃទី១៥ ខែកញ្ញា ឆ្នាំ២០១៩ នៅចំណុចផ្លូវលេខ១៩៣ កែងផ្លូវម៉ៅសេទុង ស្ថិតក្នុងសង្កាត់ទួលស្វាយព្រៃទី១ ខណ្ឌបឹងកេងកង មានរថយន្តមួយគ្រឿង ម៉ាកម៉ែកសឺដេស បានបើកបុកក្បាលនាគពុះចែកទ្រូងផ្លូវ បណ្តាលឲ្យរងការខូចខាតមួយកង់ ចំណែករថយន្តរងការខូចខាតផ្នែកខាងមុខទៅលែងរួច ។
តាមសម្តីប្រជាពលរដ្ឋបានបង្ហើបថា មុនពេលកើតហេតុ គេបានឃើញរថយន្តមួយគ្រឿងម៉ាកម៉ែកសឺដេស ពណ៌ខ្មៅ ពាក់ស្លាកលេខ ភ្នំពេញ 2C 6212 បើកបរដោយបុរសម្នាក់ធ្វើដំណើរតាមបណ្តោយផ្លូវម៉ៅសេទុង ក្នុងទិសដៅពីត្បូងទៅជើង ខណៈមកដល់ចំណុចកើតហេតុ បានជ្រុលចង្កូតទៅបុកក្បាលនាគថ្មពុះចែកទ្រូងផ្លូវបណ្តាលឲ្យដួលមួយកង់ចំណែករថយន្តរងការខូចខាតផ្នែកខាងមុខទៅមុខលែងរួច ។
បើកតាមការបញ្ញាក់ពីម្ចាស់រថយន្តបានឲ្យដឹងថា ដោយសារតែទីតាំងខាងលើមានស្ថានភាពងងឹត និងគ្មានចំណាំងផ្លាតទើបគាត់មើលមិនឃើញ និងជ្រុលបុកតែម្តង ។
សូមបញ្ជាក់ថា ទីតាំងខាងលើតែងតែបង្កគ្រោះថ្នាក់ជាញឹកញាប់ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងទំនាក់ទំនងទៅជំនាញមកស្ទូចយករថយន្តទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
