សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងចម្រុះ នៃគណៈបញ្ជាការឯកភាពខណ្ឌមានជ័យ បានបើកប្រត្តិបត្តិការណ៍ចុះរដ្ឋបាលតំបន់មិនរៀបរយនៅម្តុំទីលានចាក់សំរាមចាស់ស្ថិតនៅភូមិដំណាក់ធំនិងភូមិព្រែកទល់ ក្នុងសង្កាត់ស្ទឹងមានជ័យទី២ ខណ្ឌមានជ័យ កាលពីវេលាម៉ោង៩ និង៣០នាទីព្រឹកថ្ងៃទី១៨ ខែកញ្ញា ឆ្នាំ២០១៩ ដោយឃាត់ខ្លួនជនសង្ស័យប្រុសស្រីដែលនិងពាក់ព័ន្ធនឹងគ្រឿងញៀនបានមនុស្ស២៥នាក់ និងដកហូតថ្នាំញៀនចំនួន២១កញ្ចប់ (ធំ២កញ្ចប់) រួមនិងសម្ភារៈសម្រាប់ច្រកនិងប្រើប្រាស់គ្រឿងញៀនមួយចំនួនធំ ។
ក្នុងប្រត្តិការណ៍ចុះរដ្ឋបាលលក្ខណះទ្រង់ទ្រាយធំខាងលើនេះ ដឹកនាំដោយលោក ឌី រត្ន័ខេមរុណ អភិបាលរងខណ្ឌមានជ័យ និងលោកវរៈសេនីយ៍ទោ ម៉េង វិមានតារាអធិការខណ្ឌមានជ័យ និងលោកវរៈសេនីយ៍ត្រី ណុល សុធាមេបញ្ជាការងកងរាជអាវុធហត្ថខណ្ឌមានជ័យ រួមជាមួយមន្ត្រីចម្រុះជាច្រើននាក់ ។
ជាលទ្ធផលនៃការចុះបង្ក្រាប កម្លាំងចម្រុះបានធ្វើការឃាត់ខ្លួនជនសង្ស័យប្រុសស្រី២៥នាក់ក្នុងនោះមានស្រី៦នាក់ និងដកហូតថ្នាំញៀនចំនួន២១កញ្ចប់ (ធំ២កញ្ចប់) រួមនិងសម្ភារៈសម្រាប់ច្រកនិងប្រើប្រាស់គ្រឿងញៀនមួយចំនួនធំ។
ក្រោយពេលឃាត់ខ្លួនជនសង្ស័យទាំង២៥នាក់រួមនិងវត្ថុតាងខាងលើនេះរួច កម្លាំងសមត្ថកិច្ចបានបញ្ជូនខ្លួនជនសង្ស័យខសងលើទៅធ្វើការសាកសួបន្តនៅប៉ុស្តិ៍នគរបាលរដ្ឋបាលស្ទឹងមានជ័យទី២។
បច្ចុប្បន្ននេះ ជនសង្ស័យទាំង២៥នាក់រួមនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅកានអធិការដ្ឋាននគរបាលខណ្ឌមានជ័យ ដើម្បីឃុំខ្លួនបណ្តោះអាសន្ន និងបន្តចាត់ការតាមច្បាប់ ៕ ភារ៉ា ដង្កោ
