សមត្ថកិច្ចឃាត់ខ្លួនជនសង្ស័យម្នាក់ករណីប្រើប្រាស់អាវុធគ្មានគារអនុញ្ញាត ប្រើដាវសាម៉ូរ៉ៃកែច្នៃ

ភ្នំពេញ៖ ជនសង្ស័យម្នាក់ត្រូវសមត្ថកិច្ចឃាត់ខ្លួនករណីករណីប្រើប្រាស់អាវុធគ្មានគារអនុញ្ញាត (ប្រើដាវសាម៉ូរ៉ៃកែច្នៃកាប់) នៅចំណុចមុខហាងម៉ាស្សាដៃមានលាភ នៅវេលាម៉ោង ០៧ និង០០នាទីថ្ងៃទី២០​ខែកញ្ញា ឆ្នាំ២០១៩ នៅចំណុចមុខហាងម៉ាស្សាដៃមានលាភ ផ្ទះសង់ថ្មី ផ្លូវបេតុង ភូមិក្រាំងអង្ក្រង សង្កាត់ធ្នង់ ខណ្ឌសែនសុខ រាជធានីភ្នំពេញ ។

សមត្ថកិច្ចបានអោយដឹងថា ជនសង្ស័យ ឈ្មោះ ទឹម ថាន់នឿន ភេទប្រុស អាយុ២១ឆ្នាំ ជនជាតិខ្មែរ មុខរបរព្រូឡាន ស្នាក់នៅក្នុងរោងកម្មករ ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (មានសារធាតុញៀន) ។ ចំណែក
ជនរងគ្រោះ ឈ្មោះ សន សុផាត  ភេទប្រុស អាយុ២៩ឆ្នាំ ជនជាតិខ្មែរ មុខរបរមើលការខុសត្រូវផ្ទះម៉ាស្សាដៃមានលាភ ស្នាក់នៅផ្ទះសង់ថ្មី ភូមិក្រាំងអង្ក្រង សង្កាត់ធ្នង់ ខណ្ឌសែនសុខ រាជធានីភ្នំពេញ ។
សម្ភារៈបន្សល់ទុក ៖ ម៉ូតូ០១គ្រឿង ម៉ាកសេ១១០ ពណ៌ខ្មៅ ផលិតឆ្នាំ២០១២ ពាក់ស្លាកលេខភ្នំពេញ 1BM-4265 និងដាវកែច្នៃ០១ដើម របស់ជនសង្ស័យ ។

ប្រភពពីសមត្ថកិច្ចបានអោយដឹងថា នៅមុនពេលកើតហេតុ ជនរងគ្រោះកំពុងអង្គុយនៅមុខផ្ទះរបស់ខ្លួន ចំណុចកើតហេតុខាងលើ ស្រាប់តែជនសង្ស័យបាន ជិះម៉ូតូ០១គ្រឿង ដៃកាន់ដាវកែច្នៃ មកដល់ចំណុចកើតហេតុ បានយកដាវគប់ត្រូវលើស្លាកម៉ាស្សា រួចជនសង្ស័យបានជិះម៉ូតូគេចខ្លួនបាត់ ។ លុះដល់ម៉ោង ០៧ និង០០នាទី ថ្ងៃ ខែ ឆ្នាំដដែល ជនរងគ្រោះបានយកដាវដែលជនសង្ស័យគប់កាលពីយប់ មកប្តឹងសមត្ថកិច្ចប៉ុស្តិ៍រដ្ឋបាលក្រាំងធ្នង់ ក្រោយមកសមត្ថកិច្ចប៉ុស្តិ៍ក្រាំងធ្នង់បានធ្វើការស្រាវជ្រាវនឹងឃាត់ខ្លួនជនសង្ស័យតែម្តង ។ បច្ចុប្បន្ន  ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ចន្ទ លីហ្សា