បុរសម្នាក់បើកម៉ូតូលឿនមកដល់ផ្លូវកោង ជ្រុលទៅបុកខឿនផ្លូវរងរបួសធ្ងន់

ភ្នំពេញ៖ បុរសម្នាក់បើកម៉ូតូលឿនមកដល់ផ្លូវកោង ជ្រុលទៅបុកខឿនផ្លូវរងរបួសធ្ងន់ ហេតុការណ៍នេះបានកើតឡើងកាលពីម៉ោង១០ និង៣៥នាទីយប់ថ្ងៃទី២៣ ខែកញ្ញា ឆ្នាំ២០១៩ នៅមុខសាលាវិទ្យាល័យ ជាស៊ីមសាមគ្គី តាមបណ្តោយផ្លូវលេខ២៧១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ បើកម៉ូតូមួយគ្រឿងម៉ាក ឌូក ពណ៌ខ្មៅ ពាក់ស្លាកលេខ ភ្នំពេញ 1CK-8988 ធ្វើដំណើរតាមបណ្តោយផ្លូវលេខ២៧១ ក្នុងពីជើងទៅត្បូង យ៉ាងលឿន ខណ:មកដល់ចំណុចកើតហេតុ ផ្លូវកោងកាច់ចង្កូតមិនទាន់ ជ្រុលទៅបុកខឿនផ្លូវ បណ្តាលឲ្យម៉ូតូហោះផ្លោង ផ្ងារកង់ឡើងលើ បណ្តាលឲ្យអ្នកបើកម៉ូតូបោកក្បាលនឹងថ្នល់រងរបួសធ្ងន់ ត្រូវបានរថយន្តសង្គ្រោះបន្ទាន់ ដឹកយកទៅសង្គ្រោះភ្លាមៗ។

បន្ទាប់ពីកើតហេតុសមត្ថកិច្ច បានចុះមក យកម៉ូតូទៅរក្សាទុកនៅប៉ុស្តិ៍នគរបាលរដ្ឋស្ទឹងមានជ័យ១ ដើម្បីប្រគល់ជូនម្ចាស់វិញ៕ជ្រោយពេជ្រ