សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី២៦ខែកញ្ញា វេលាម៉ោង៦៖៤៥នាទី មានករណីអគ្គិភ័យមួយកន្លែងកើតឡើង ស្ថិតនៅតាមបណ្តោយផ្លូវវិមានឈ្នះឈ្នះ ភូមិភ្លូផ្អែម សង្កាត់គោករកា ខណ្ឌព្រែកព្នៅ រវាងរថយន្តដឹកភេសជ្ជៈ Boostrong បុកម៉ូតូបណ្តាលអោយឆេះយ៉ាងសន្ធោសន្ធៅ របួសធ្ងន់ធ្ងរម្នាក់ ។
របាយការណ៍ពីនាយកដ្ឋាននគរបាលបង្ការ ពន្លត់អគ្គិភ័យនិងសង្គ្រោះ បង្ហាញថា រថយន្តកូរ៉េដឹកទំនិញមួយតោនកន្លះ ពាក់ផ្លាកលេខភ្នំពេញ3D-3231 បុកជាមួយម៉ូតូម៉ាកសង់ស៊េរីឆ្នាំ២០១៦ ពាក់ផ្លាកលេខ1GH-7226 ឆេះអស់ទាំងស្រុង និង ពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡេីយ ។
ក្នុងករណីនេះ បណ្តាលអោយជនរងគ្រោះឈ្មោះ ជុន គឹមលាង ភេទប្រុស អាយុ២៦ឆ្នាំ រងរបួសធ្ងន់ ត្រូវបញ្ជូនទៅមន្ទីរពេទ្យ ៕ ចេស្តា
