សារព័ត៌មាន នគរវត្ត តែងតែនាំមុខគេជានិច្ច
រយៈពេលកន្លងមកមានបាតុកម្ម ប្រឆាំងបម្រែបម្រួលអាកាសធាតុកើតឡើងជាច្រើននៅជុំវិញពិភពលោក ដោយការបម្រែបម្រួលអាកាសធាតុប៉ះពាល់យ៉ាងខ្លាំងដល់ជីវភាពរស់នៅរបស់ពលរដ្ឋ ពិសេស គឺ ប្រជាកសិករ ពិបាកនៅក្នុងការប្រកបរបប កសិកម្ម ដោយ កម្តៅកើនឡើងព្យុះភ្លៀងខុសប្រក្រតី ។
នៅពេលនេះ កសិករក្នុងប្រទេស ហុល្លង់ បាននាំគ្នាបើកត្រាក់ទ័រ ចូលទីក្រុងធ្វើបាតុកម្ម ប្រឆាំងរដ្ឋាភិបាល និងរិះគន់ដល់វិស័យឧស្សាហកម្មដែលបានបង្កឲ្យមានបម្រែបម្រួលអាកាសធាតុ ។ កសិករជាង ១ម៉ឺននាក់បានបើកត្រាក់ទ័រ ចូលទៅកាន់ផ្លូវល្បឿនលឿន ក្នុងប្រទេសហុល្លង់ឆ្ពោះទៅកានទីក្រុងឡាអេ ធ្វើឲ្យចរាចរណ៍ក ត្រូវកកស្ទះយ៉ាងខ្លាំង ។
សកម្មភាពខាងលើ របស់ក្រុមបាតុករត្រាក់ទ័រ ធ្វើឲ្យកកស្ទះចរាចរណ៍មានចម្ងាយផ្លូវដល់ទៅ៩៩៨គីឡូម៉ែត្រ។ ដើម្បីបញ្ជៀសការកក់ស្ទះអ្នកធ្វើដំណើរខ្លះបានបើករថយន្ត តាមឆ្នេរសុមុទ្រចូលទៅកាន់ទីក្រុង ឡាអេ។ ក្រុមបាតុករត្រាក់ទ័រ បានឲ្យដឹងថា ពួកគត់មិនអាចទទួលយកបានឡើយ ដែលវិស័យកសិកម្មត្រូវបានគេមើលស្រាល ដោយវិស័យឧស្សាហកម្មជាអ្នកបង្កឲ្យបម្រែបម្រួលអាកាសធាតុ ប៉ុន្តែវិស័យកសិកមមជាអ្នកទទួលលទ្ធផលនៃបម្រែបម្រួលទាំងនោះ ។
នៅក្នុងសេចក្តីប្រកាសរបស់កម្លាំងប៉ូលិសហុល្លងបានបញ្ជាក់ថា ប៉ូលិសគាំទ្រដល់កសិករ ក្រោកឈរឡើង ដើម្បីផលប្រយោជន៍របស់ខ្លួន ប៉ុន្តែ កម្លាំងសន្តិសុខបានណែនាំ អ្នកបើកបរត្រាក់ទ័រ ឲ្យគោរពទៅតាមច្បាប់ពេលបើកបរលើដងផ្លូវធំៗ។
រដ្ឋមន្ត្រីក្រសួង កសិកម្ម ហុល្លង់លោកស្រី Carola Schouten បានប្រកាសឲ្យដឹងថា លោកស្រីនឹងស្តាប់រាល់ក្តីកង្វល់ និងការចង់បានរបស់កសិករ ហើយការពារពួកគត់ដើម្បីឆ្ពោះទៅកាន់វិស័យកសិកម្មរីកចំរើន៕
