ព័ត៌មានទាន់ហេតុការណ៍៖

សំដី ទណ្ឌិត សម រង្សុី សាបជាងទឹកក្នុងថ្លុកដានជើងគោ ខណៈស្ថានទូតអាមេរិក ចេញមុខការពារសញ្ញាបត្រឧត្តមសិក្សា ផ្តល់ដោយអាមេរិក ពិសេសជននេះមានចេនាទុច្ចរិតបន្ថោកលើ West Point របស់រដ្ឋាភិបាលអាមេរិក

ចែករំលែក៖

ភ្នំពេញ៖ ភាពអាម៉ាស់ ទណ្ឌិត សម រង្សុី លាតសន្ធឹងលើពិភពលោក ខណៈសំដីអត់គ្រប ពុលទឹកមាត់ បំប៉ោង បំផ្លើស ព័ត៍មានក្លែងក្លាយកាន់តែជ្រុល ផុងខ្លួនដើម្បីស្វែងរកលាភ តាមរយៈការអង្គាសប្រាក់ ទុកចាយសម្រាប់ចាស់លើសពីការទទួលខុសត្រូវរបស់ខ្លួន។ ទណ្ឌិតសម រង្សុី បានវាយប្រហារលើ West Point ថាផ្តល់សញ្ញាបត្រការទូតឱ្យ លោក ហ៊ុន ម៉ាណែត គ្មានគុណភាព ក្លាយជាសារប្រមាថដល់រដ្ឋាភិបាលអាមេរិក ទើបអ្នកនាំពាក្យស្ថានទូតអាមេរិកនៅកម្ពុជាបញ្ចេញប្រតិកម្ម ការពារគុណភាពនិស្សិតថ្នាក់ឧត្តមសិក្សាដែលបានទទួលសញ្ញាប័ត្រនៅអាមេរិក។

ស្ថានទូតអាមេរិក ចេញមុខការពារសញ្ញាបត្រឧត្តមសិក្សា ផ្តល់ដោយអាមេរិក ក្រោយមានការវាយប្រហារលើ West Point ថាផ្តល់សញ្ញាបត្រការទូតឱ្យ លោក ហ៊ុន ម៉ាណែត។ ក្នុងនោះអ្នកនាំពាក្យស្ថានទូតអាមេរិកប្រចាំនៅកម្ពុជា បានចេញមុខការពារដល់ សញ្ញាបត្រថ្នាក់ឧត្តមសិក្សាទាំងអស់ ដែលផ្តល់ដោយគ្រឹះស្ថានឧត្តមសិក្សានានា នៅសហរដ្ឋអាមេរិក។ ប្រតិកម្មនេះ ធ្វើឡើងបន្ទាប់ពីមានការវាយប្រហារអំពីគុណភាពសញ្ញាបត្ររបស់ លោក ហ៊ុន ម៉ាណែត ដែលផ្តល់ដោយ សាលាបណ្ឌិតសភាយោធាសហរដ្ឋអាមេរិក West Point។

អ្នកនាំពាក្យស្ថានទូតអាមេរិក អ្នកស្រី Emily V. Zeeberg បានបញ្ជាក់ប្រាប់សារព័ត៍មានក្នុងស្រុក តាម Email ថា៖ ជនទាំងឡាយ ដែលបញ្ចប់ការសិក្សា នៅមហាវិទ្យាល័យ សាកលវិទ្យាល័យ ឬវិទ្យាស្ថានថ្នាក់ឧត្តមសិក្សា នឹងទទួលបានសញ្ញាបត្រ ឬវិញ្ញាបនបត្រ ប្រសិនបើពួកគេបំពេញតាមលក្ខខណ្ឌ នៃគ្រឹះស្ថានសិក្សាទាំងនោះបាន ដោយមិនប្រកាន់ប្រទេសកំណើតទេ។

អ្នកស្រីEmily V. Zeeberg បានបញ្ជាក់យ៉ាងដូច្នេះថា៖ «អ្នកបញ្ចប់ការសិក្សានៅមហាវិទ្យាល័យ សាកលវិទ្យាល័យ ឬវិទ្យាស្ថានថ្នាក់ឧត្តមសិក្សា នឹងទទួលបានសញ្ញាបត្រ ឬវិញ្ញាបនបត្រ ប្រសិនបើពួកគេបំពេញតាមលក្ខខណ្ឌ នៃគ្រឹះស្ថានសិក្សាទាំងនោះបាន។ ប្រទេសកំណើតរបស់និស្សិត គឺមិនមែនជាបញ្ហាឡើយ»។

លោកស្រី Emily V. Zeeberg បានការពារអំពីគុណភាពសិក្សានៅសហរដ្ឋអាមេរិក ដោយបញ្ជាក់យ៉ាងដូច្នេះថា៖ «គ្រឹះស្ថានថ្នាក់ឧត្តមសិក្សារបស់អាមេរិក មានឈ្មោះល្បីរន្ទឺដោយសារតែគុណភាពគ្មានគូប្រៀប ហើយអាចផ្តល់ជំនាញភាសាអង់គ្លេសយ៉ាងល្អឥតខ្ចោះ ដើម្បីត្រៀមសម្រាប់អាជីព នាពេលអនាគត»។ សូមរម្លឹកថា៖ លោកបណ្ឌិត ហ៊ុន ម៉ាណែត គឺជាកូនខ្មែរដំបូងគេ ដែលបានបញ្ចប់ការសិក្សាផ្នែកយោធា ពីសាលាបណ្ឌិតសភាយោធា West Point របស់សហរដ្ឋអាមេរិក កាលពីឆ្នាំ១៩៩៩ ហើយទទួលបានសញ្ញាបត្រសាលាល្បីនេះ ត្រឡប់មកកាន់ប្រទេសកម្ពុជា។

កាលពីពេលថ្មីៗនេះ លោក សម រង្ស៉ី អតីតមេដឹកនាំក្រុមប្រឆាំង ដែលបានក្លាយជាមេចលនាឧទ្ទាមបានវាយប្រហារដល់សញ្ញាបត្រពី សាលាបណ្ឌិតសភាយោធា West Point របស់សហរដ្ឋអាមេរិក ដោយអះអាងថា ជាសញ្ញាបត្រក្លែងក្លាយ ឬជាសញ្ញាបត្រការទូត។
ការរិះគន់នេះ បានបណ្តាលឱ្យមានប្រតិកម្មយ៉ាងខ្លាំងពីអតីតនិស្សិត សាលាបណ្ឌិតសភាយោធា West Point ដទៃទៀត។ ក្រៅពីនោះ និស្សិតខ្មែរ ដែលសិក្សានៅសាលាយោធា នៅប្រទេសផ្សេងៗទៀត ក៏បានសម្តែងការខឹងសម្បា និងថ្កោលទោស លោក សម រង្ស៉ីដែរ។

ក្រោយមានការរិះគន់នេះ លោក ហ៊ុន ម៉ាណែត បានបបួល លោក សម រង្ស៉ី ភ្នាល់គ្នា ដោយដាក់លក្ខខណ្ឌ២ចំណុចគឺ៖ បើសិនជា សាលា West Point ពិតជាមានការបែងចែកស្តង់ដារខុសគ្នារវាង និស្សិតយោធាបរទេស និងអាមេរិកមែនដូច លោក សម រង្ស៉ី និយាយមែននោះ លោកនឹងលាលែងតួនាទីទាំងអស់ ប៉ុន្តែបើលោក សម រង្ស៉ី មិនអាចបង្ហាញថា សាលា West Point មានសញ្ញាបត្រ២ប្រភេទដែលមានតម្លៃខុសគ្នាទេ សូមឲ្យលោក សម រង្ស៉ី លាឈប់ ។​

ប៉ុន្តែទោះជាយ៉ាង នេះក្តី ទណ្ឌិត សម រង្ស៉ី មេក្រុមឧទ្ទាមក្រៅច្បាប់ ពុំហ៊ានភ្នាល់ តាមការបបួលរបស់ លោកបណ្ឌិត ហ៊ុន ម៉ាណែត ដើម្បីការពារសម្តីដែលលោកបានវាយប្រហារលើសញ្ញាបត្រយោធា រប់ស លោក ហ៊ុន ម៉ាណែត ឡើយ។ ជាចុងក្រោយអាមេរិកជាអ្នកជួយជ្រោមជ្រែង ទណ្ឌិតសម រង្សុី ក៏មិនគាំទ្រសំដីមេបក្សឧទ្ទាមនេះ កាន់តែធ្វើអោយ សម រង្សុី បាក់មុខ ឈានដល់ខាតបង់ចេតនាអង្គាសប្រាក់ដើម្បីជាប្រយោជន៍បុគ្គលនៅក្រៅប្រទេសទៀតផង ពិសេសដីកាចាប់ខ្លួន ទណ្ឌិត សម រង្សុី បានទៅដល់ប្រទេសទាំង១០ នៃប្រទេសក្នុងអាស៊ាន៕ សិលា

 


ចែករំលែក៖