ឃាត់ខ្លួនបុរសម្នាក់ ក្រោយធ្វើសកម្មភាពយកកាំភ្លើងទៅភ្ជង់គំរាមសម្លាប់អ្នកដទៃ

ខេត្តព្រះសីហនុ៖ នគរបាល បានឃាត់ខ្លួនបុរសម្នាក់ ក្រោយធ្វើសកម្មភាពយកកាំភ្លើងទៅភ្ជង់គំរាមសម្លាប់អ្នកដទៃ កាលពីព្រលប់ថ្ងៃទី០២ ខែតុលា ឆ្នាំ២០១៩ នៅចំណុចភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។

លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ប្រាប់បណ្តាញផ្សព្វផ្សាយថា ជនសង្សយ័ឈ្មោះ ជី ម៉ៅ ភេទ ប្រុសអាយុ ៣០ ឆ្នាំ មុខរបរ និង ទីលំនៅមិនពិតប្រាកដ បានប្រើ អាវុធខ្លីម៉ាកK59 ភ្ជង់គំរាមសម្លាប់ទៅលើឈ្មោះ ប៉ុល ងន ភេទប្រុស អាយុ ៣៩ ឆ្នាំ មុខរបរមិនពិតប្រាកដ ដូចគ្នា មានទីលំនៅចំណុចកើតហេតុខាងលើ ។

លោកស្នងការបញ្ជាក់បន្ថែមថា ក្រោយហេតុការណ៍នគរបាល ក៏បានឃាត់ខ្លួនជនសង្សយ័និងដកហូតវត្ថុតាងរួមមាន៖ អាវុធខ្លីម៉ាកK59 ០១ដើម, បង់កាំភ្លើង០១, គ្រាប់ចំនួន ១០គ្រាប់, ម្សៅក្រាមសថ្លាសង្ស័យសារធាតុញៀន ០១ កញ្ចប់តូច ។

ជនសង្សយ័ និងវត្ថុតាង សមត្ថកិច្ចកំពុងកសាងសំណុំរឿង បញ្ជូនទៅសាលាដំបូងដើម្បីចាត់ការតាមច្បាប់ ៕ ឆ្លាម សមុទ្រ