សារព័ត៌មាន នគរវត្ត តែងតែនាំមុខគេជានិច្ច
តំណាងរាស្ត្រជាច្រើននៅអាមេរិក ទាំងស្ថាប័ន រដ្ឋសភា និងព្រឹទ្ធសភា បានប្រឆាំងទៅនឹងការសម្រេច របស់ប្រធានាធិបតីដូណាល់ ត្រាំ ដែលបានដកទាហានចេញពីប្រទេសស៊ីរី បោះបង់ចោលសម្ពន្ធមិត្តជនជាតិឃឺដ នៅទីនោះ ។
នៅពេលនេះដែរ ប្រធានរដ្ឋសភាអាមរិក លោកស្រី Nacy Pelosi បានស្នើដល់លោកត្រាំឲ្យលុបការសម្រេចខាងលើ ។ សកម្មភាពបែបនេះ នឹងធ្វើឲ្យ សម្ពន្ធមិត្តរបស់អាមេរិក អស់ទំនុកចិត្ត ទៅអាមេរិក នាពេលអនាគត ។
កាលពីថ្ងៃទី៧ ខែតុលា ប្រធានាធិបតីអាមេរិកដូណាល់ ត្រាំ បានប្រកាសដកទាហានចេញពីសង្គ្រាមនៅក្នុងប្រទេសស៊ីរី ។ សកម្មភាពខាងលើរបស់ទីក្រុងវ៉ាស៊ីនតោន បានធ្វើឲ្យសម្ពន្ធមិត្តជនជាតិឃឺដ នៅក្នុងប្រទេសស៊ីរី ភ្ញាក់ផ្អើលយ៉ាងខ្លាំង ហើយអង្គការសហប្រជាជាតិបាន ព្រមានពីរឿងអាក្រក់ នៅពេលខាងមុខ។
ប្រធានាធិបតីដូណាល់ ត្រាំសរសេរនៅលើបណ្តាញសង្គមTwitter ថា«ក្រុមជនជាតិឃឺដ ដែលកំពុងតែធ្វើសង្គ្រាមបានទទួលនៅប្រាក់ជាច្រើនព្រមទាំងសម្ភារៈយោធា។តាំងពីដើមមក ពួកគេបានធ្វើសង្គ្រាមជាមួយ វាយប្រហារជាមួតួកកី ជាច្រើនទសវត្សរ៍កន្លងមក ។ តួកគី អឺរ៉ុប ស៊ីរី អ៊ីរ៉ង់ អ៊ីរ៉ាក់ រុស្ស៊ី និងក្រុមជនជាតិឃឺដ ពេលនេះគឺត្រូវដោះស្រាយបញ្ហាដោយខ្លួនឯង»។ លោកត្រាំបន្តទៀតថា«យើងចំាបាច់ត្រូវតែធ្វើសង្គ្រាម នៅតំបន់ដែលយើងទទួលបានផលប្រយោជន៍ ហើយយើងធ្វើសង្គ្រាមដើម្បីតែជ័យជំនៈប៉ុណ្ណោះ»។
ការលើកឡើងខាងលើរបស់លោកត្រាំបានបង្ហាញយ៉ាងច្បាស់ថា ការធ្វើសង្គ្រាម ដែលចំណាយប្រាក់ជាច្រើននាពេលកន្លងមក នៅក្នុងប្រទេសស៊ីរី មិននាំមកនៅជ័យជំនៈដល់អាមេរិកនោះឡើយផ្ទុយទៅវិញអាមេរិក ត្រូវធ្វើសង្គ្រាមរាំរ៉ៃនៅទីនោះ ត្រូវចំណាយប្រាក់ជាច្រើន ។
ជាមួយនឹងការសម្រេចខាងលើ របស់ប្រធានាធិបតី ដូណាល់ត្រាំ បានបង្ហាញយ៉ាងច្បាស់ថា លោកបានដកខ្លួនចេញពី សង្គ្រាម ស៊ីរី ហើយនឹងមិនជ្រៀតជ្រែកចូលកិច្ចការផ្ទៃក្នុង នៅតំបន់ជម្ឈិមបូព៌ាទៀតឡើយ។ ការដកទាហានរបស់លោកត្រាំ បានបង្កឲ្យមានក្តីបារម្ភយ៉ាងខ្លាំងពីការសម្លាប់រង្គាល នឹងកើនឡើងនៅក្នុងប្រទេសស៊ីរី ពិសេសគឺកម្លាំងទាហានក្រុមជនជាតិឃឺដ៕
