សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្មីៗនេះ មហាជនដែលបានទស្សនាការប្រលងចម្រៀងនៅក្នុង កម្មវិធី Cambodian Idol Junior បានផ្ទុះការរិះគន់ទៅលើការសម្រេចចិត្តរបស់គណកម្មការ សុខ ស្រីនាង ដែលឆ្លើយទេ មិនទទួលយក បេក្ខជន កុមារី រ៉ន ណាវី ដែលមានសម្លេងពីរោះមិនចាញ់មនុស្សធំនោះ ។កាន់តែខ្លោចចិត្តអាណិតកុមារីរូបនេះក្រោយពីមានការទម្លាយអំពីប្រវត្តិកម្សត់របស់នាងដែលត្រូវឪពុកបោះបង់គ្រានាងចាប់កំណើ់តនៅក្នុងផ្ទៃម្តាយ៣ខែម្ល៉េះ។
គេចាំបានថានៅក្នុងសប្តាហ៍ទីពីរ ថ្ងៃទី ០៦ ខែតុលា ឆ្នាំ ២០១៩ កន្លងមកនេះ កុមារី រ៉ន ណាវី វ័យ ៨ ឆ្នាំ ដែលគេស្គាល់ថាជាប្អូនស្រីរបស់ រ៉ន ចាន់ឌីន នោះបានចូលរួមប្រលងនៅក្នុងកម្មវិធី Cambodian Idol Junior ដោយលើកយកបទ ពីដើមមកបកស្រាយ មានចំណងជើងថា «បុរីជូឡុង» ។
នាងបានបកស្រាយបទចម្រៀងនេះយ៉ាងពិរោះ ព្រោះនៅវ័យក្មេងមែនពិត តែកុមារីរូបនេះ មានសម្លេងពីរោះ មិនចាញ់មនុស្សធំឡើយ ប៉ុន្តែអ្វីដែលគួរឱ្យស្តាយ កុមារីវ័យ ៨ ឆ្នាំរូបនេះ រង់ចាំលទ្ធផលសម្រេចចុងក្រោយ ពីគណៈកម្មាការ សុខ ស្រីនាង តែបែរជាទទួលបានចម្លើយទេ( No) ទៅវិញ ។
មហាជនជាច្រើនថ្លែងការរិះគន់ក្រោយពីបានស្តាប់ការបកស្រាយយ៉ាងពិរោះរបស់កុមារីរូបនេះប៉ុន្តែបែជាមិនទទួលបានលទ្ធផលសមទៅនឹងសមត្ថភាព និងទឹកដមសំឡេងរបស់បេក្ខជន។ កាន់តែខ្លោចចិត្តអាណិតកុមារីរូបនេះគឺក្រោយពីមានការទម្លាយប្រវត្តិពិតរបស់កុមារីរូបនេះ គឺនាងត្រូវបានឪពុកបោះបង់ចោលទាំងខ្លួននៅក្នុងផ្ទៃម្តាយទើបបាន៣ខែម្ល៉េះ។
ប្រភពសុំមិនបញ្ចេញឈ្មោះបានបញ្ជាក់ថា ម្តាយរបស់ រ៉ន ណាវី មានវ័យជិត៤០ ឆ្នាំហើយ បច្ចុប្បន្នជាកម្មការិនីរោងចក្រមួយ ហើយក៏ជាអ្នកចម្រៀងតាមវង់តន្ត្រីសម័យមួយផងដែរ។ ប្រភពថាពិតជាអភព្វ កុមារីរូបនេះ និងបងស្រី រ៉ន ចាន់ឌីន មិនដែលទទួលបានការថ្នាក់ថ្នមពីឪពុកទេ ហើយគេចាំបានដែរថាកាលពីប៉ុន្មានឆ្នាំមុនថ្ងៃឪពុករបស់ពួកគេការស្រីថ្មីនោះ ណាវី និង ចាន់ឌីន ក៏បានយករូបថតម្តាយរបស់ខ្លួនដើរចូលរោងការឪពុកដ៏គួរឲ្យភ្ញាក់ផ្អើលផងដែរ។
ជីវិតកម្សត់ខ្វះភាពកក់ក្តៅ រស់នៅបែបខ្វះមុខខ្វះក្រោយ ហើយត្រូវមកជួបរឿងបរាជ័យដែលមិនអស់ចិត្តពិតជាធ្វើឲ្យអ្នកដឹងរឿងជិវិតពិតកុមារីរូបនេះរំជួលចិត្តជាខ្លាំង។ គួរឱ្យដឹងថា កន្លងមកកុមារី រ៉ន ណាវី ក៏ធ្លាប់មានបទចម្រៀងផ្ទាល់ខ្លួនគឺបទ «រង់ចាំសន្យា» ដោយទទួលបានការគាំទ្រពីសំណាក់អ្នកទស្សនា នៅតាមបណ្តាញសង្គមហ្វេសបុកជាច្រើនផងដែរ។ បទចម្រៀងនេះក៏បានឆ្លុះបញ្ចាំងពីជីវិតពិតរបស់កុមារីអភព្វរូបនេះផងដែរ។
គួរបញ្ជាក់ដែរថា រ៉ន ណាវី ហៅ អូនញ៉ាញ់អាយុ៨ឆ្នាំ មានស្រុកកំណើតនៅខេត្តកំពង់ស្ពឺ បច្ចុប្បន្នរៀងថ្នាក់ទី៣នៃសាលាបឋមសិក្សាហ៊ុន សែន ពោធិចិនតុង។ នាងមានបងប្អូន២នាក់ ដែលបងស្រីនាងគឺ រ៉ន ចាន់ឌីន ក៏ធ្លាប់ឆ្លងដល់វគ្គផ្តាច់ព្រ័តនៃកម្មវិធីប្រកួត The Voice Kid Cambodia រដូវកាលទី១កាលពីឆ្នាំ២០១៧ ផងដែរ៕ វឌ្ឍនា
