សារព័ត៌មាន នគរវត្ត តែងតែនាំមុខគេជានិច្ច
ក្រោយពេលដែលសំឡេងគាំទ្រ បានធ្លាក់ចុះ ខ្លាំងរយៈពេលកន្លងមក លោកត្រាំ បានរកគ្រប់វិធីសាស្ត្រដើម្បីវាយប្រហារទៅលើបេក្ខភាព មកពីគណបក្ស ប្រជាធិបតេយ្យ សម្រាប់ការបោះឆ្នោតនៅក្នុងឆ្នាំ២០២០ ។
ប្រធានាធិបតីអាមេរិក លោក ដូណាលត្រាំ បានអំពាវនាវដល់ អតីតគូប្រជែងរបស់លោក គឺលោកស្រី ហ៊ីលឡារី គ្លីនតុន បន្តឈរឈ្មោះជាបេក្ខភាពប្រធានាធិបតីអាមេរិក សម្រាប់ការបោះឆ្នោតឆ្នាំ២០២០ ។ ប៉ុន្តែ លោកត្រាំបានលើកឡើងថា លោកស្រីត្រូវតែ បកស្រាយរឿងរ៉ាវពាក់ព័ន្ធ សារអេឡិចត្រូនិចជាមុនសិន ។
លោក ត្រាំ បានសរសេរនៅលើបណ្តាញសង្គម Twitterកាលពីថ្ងៃទី៨ ខែតុលាថា «ខ្ញុំគិតថា លោកស្រី ហ៊ីឡារី គ្លីនតុន (បុគ្គលបោកប្រាស) គួរតែវិលត្រឡប់មកវិញ ហើយបកស្រាយរឿងរាវពាក់ព័ន្ធ អ៊ីម៉ែលជាង៣៣ពាន់ របស់លោកស្រី ។
សារព័ត៌មាន Sputnik បានផ្សាយថា អ៊ីម៉ែលដែលលោកត្រាំរំលឹកដល់នៅក្នុង បណ្តាញសង្គមTwitterជាប់ពាក់ព័ន្ធ និងការស្រាវជ្រាវ របស់ FBI ទៅលើលោកស្រី គ្លីនតុនដែលបានប្រើប្រាស់ អ៊ីម៉ែលផ្ទាល់ខ្លួន សម្រាប់ការងារ ពេលលោកស្រីកាន់តំណែងជារដ្ឋមន្ត្រីការបរទេស ។
ការបោះឆ្នោតជិតមកដល់ លោកត្រាំបានខិតខំរកចំណុចខ្យោយរបស់ គណបក្សប្រជាធិបតេយ្យដើម្បីវាយប្រហារ ក្រោយពេលសំឡេងគាំទ្ររបស់បេក្ខភាពគណបក្ស ប្រជាធិបតេយ្យ មាន លោក Jeo Biden បានកើនឡើងខ្ពស់ ។
កន្លងមក អតីតប្រធានាធិបតីអាមេរិក លោក Jimmy Carter បានបង្ហាញការគាំទ្រយ៉ាងខ្លាំងដល់ ប្រធានរដ្ឋសភា លោកស្រី Nancy Pelosi ដែលបានសម្រេចជំរុញឲ្យបើកការស្រាជ្រាវ ចោទប្រកាន់ទោសប្រធានាធិបតីដូណាលត្រាំ ។
សារព័ត៌មាន MSNBC នៅថ្ងៃទី៨ខែតុលាបានប្រកាសថា «ខ្ញុំជាមនុស្សរបស់បក្សប្រជាធិបតេយ្យ ដូច្នេះខ្ញុំមាន ទស្សនៈ ដូចទៅនឹងគោលនយោបាយរបស់ គណបក្ស។ ខ្ញុំពិតជារីករាយ ដែលប្រធានរដ្ឋសភា ជំរុញឲ្យបើកការណ៍ស៊ើបអង្កេត ដើម្បីឈានដល់ការចោទប្រកាន់ទោសប្រធានាធិបតី ដូណាលត្រាំ»។ អតីតប្រធានាធិបតី ទី៣៩របស់អាមេរិកបានលើកឡើងថា ចំាបាច់ត្រូវតែស្វែងរកការពិត តាមរយៈការស៊ើបអង្កេតឲ្យបានល្អិតល្អន់។
កន្លងមក ក្រសួងការបរទេសអាមេរិកបានរារាំង អគ្គរដ្ឋទូតអាមេរិក ប្រចាំនៅអឺរ៉ុប ផ្តល់ភស្តុតាង ដើម្បី សភា បើកការស៊ើបអង្កេតចោទប្រកាន់ទោសលោកត្រាំ ។ លោក Jimmy Carter បញ្ជាក់ថា សកម្មភាពទាំងនោះដើរផ្ទុយពី គោលបំណងចង់បានរបស់ពលរដ្ឋអាមេរិក។
អតីតប្រធានាធិបតី Jimmy Carter បន្តទៀតថា«ខ្ញុំគិតថាប្រើសិនបើ នៅតែបន្តរារាំង សាក្សី ផ្តាល់ព័ត៌មានទៅឲ្យសភា ដើម្បីស្រាវជ្រាវ ទាំងនោះជាភស្តុតាងបន្ថែមទៀត សម្រាប់ប្រឆាំងលោកត្រាំ»។
ក្រុមអ្នកឯកទេសវិភាគបានលើកឡើងថា លោកត្រាំ បារម្ភខ្លាច មិនអាចយកឈ្នះ អតីតអនុប្រធានាធិបតីអាមេរិក លោក Joe Biden នៅក្នុងការបោះឆ្នោត ឆ្នាំ២០២០ ទើបរកវិធីសាស្ត្រ ដើម្បី ធ្វើឲ្យពលរដ្ឋបាត់បង់ទំនុកចិត្ត លើលោក Biden ដូចអ្វីដែលលោកបានធ្វើ នៅនៅក្នុងការបោះឆ្នោតឆ្នាំ២០១៦ យកឈ្នះលើ បេក្ខភាព លោកស្រីហ៊ីលឡារីគ្លីនតុន៕
