សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីអគ្គិភ័យឆេះផ្ទះប្រជាពលរដ្ឋមួយកន្លែងត្រង់ចំនុចផ្ទះលេខ១២ ជាន់ទី៣ ក្រុមទី០៣ ផ្លូវលេខ១៦ ភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ
រាជធានីភ្នំពេញ ដោយបានបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជំនាញចេញរថយន្តពន្លត់អគ្គីភ័យមកអន្តរាគមន៍បាញ់ពន្លត់នៅវេលាម៉ោងប្រហែល១៣ និង៣០នាទីរសៀល ថ្ងៃទី១២ ខែ១០ ឆ្នាំ២០១៩ ។
លោក ឯម ភារី នាយប៉ុស្ដិ៍នគរបាលរដ្ឋបាល ស្ទឹងមានជ័យទី៣ បានប្រាប់ឲ្យដឹងថា ម្ចាស់ផ្ទះរងគ្រោះមានឈ្មោះ ត្រា សេបសុីនឿន អាយុ៤២ឆ្នាំ មុខរបរលក់ដូរ មានទីលំនៅភូមិកើតហេតុខាងលើ។
លោកនាយប៉ុស្ដិ៍បានឲ្យដឹងទៀតថា មូលហេតុបណ្ដាលមកពី ទុស្សេខ្សែរភ្លើង ដោយបានឆេះសំភារៈ ជ័រ(ក្មេងលេង)និងគ្រឿងក្រអូប (ទឹកអប់)មួយចំនួនតែប៉ុណ្ណោះ ។
ក្នុងករណីខាងលើនេះ ឡានទឹករបស់កងរាជអាវុធហត្ថរាជធានីភ្នំពេញ បានចេញមកចំនួន០៣គ្រឿង តែប្រើប្រាស់អស់មួយគ្រឿង និងរលត់ទៅវិញនៅវេលាម៉ោង១៤ និង១០នាទីថ្ងៃខែដដែល ៕ ភារ៉ា ដង្កោ
