សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យប្រុសស្រី២នាក់ត្រូវបានសមត្ថកិច្ចកងរាជអាវុធហត្ថខេត្តស្វាយរៀងបញ្ជូនទៅតុលាការខេត្តស្វាយរៀងកាលពីរសៀលថ្ងៃទី១៤ ខែតុលា ឆ្នាំ២០១៩ ពាក់ព័ក់ព័ន្ធករណីជួញដូរគ្រឿងញៀនជាច្រើនកញ្ចប់ ។
ករណីនេះ បានប្រព្រឹត្តនៅខាងមុខកាស៊ីណូម៉ុកបាយស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
សមត្ថកិច្ចបានឲ្យដឹងថា ជនសង្ស័យទី១ ឈ្មោះ ជា វិបុល ភេទប្រុស អាយុ៣០ឆ្នាំ ជាបុគ្គលិកកាស៊ីណូ បច្ចុប្បន្នស្នាក់នៅបន្ទប់ជួលលេខ១១ ភូមិបាវិតកណ្តាល សង្កាត់បាវិត ក្រុងបាវិត ។ ទី២ ឈ្មោះង្វៀន ធីមីយាន ភេទស្រី អាយ២៧ឆ្នាំ ជនជាតិវៀតណាម ជាបុគ្គលិកលក់បាយ បច្ចុប្បន្នស្នាក់នៅបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ។
ក្រោយចាប់ខ្លួនជនសង្ស័យបានសារភាពថាៈ ខ្លួនទុកថ្នាំញៀននៅក្នុងបន្ទប់ជួលលេខ១១ ផ្ទះសំណាក់រុងនីតា រហូតដល់ម៉ោង២១និង៥នាទីយប់ថ្ងៃខែឆ្នាំដដែល សមត្ថកិច្ចកងរាជអាវុធហត្ថខេត្ត ដឹកនាំដោយលោកមេបញ្ជាការងវរៈសេនីយ៍ឯកស្រីវុត្ថាបានចុះទៅដល់បន្ទប់ជួលដោយធ្វើការឆែកឆេររកឃើញវត្ថុតាងរួមមាន: ម្ស៉ៅក្រាមពណ៌ថ្លា ចំនួន២៨កញ្ចប់ ថ្នាំគ្រាប់ពណ៍ផ្ទៃមេឃចំនួន៣៣កញ្ចប់ ថ្នាំគ្រាប់ពណ៌ផ្កាឈូកចំនួន១គ្រាប់ ជញ្ជីងសម្រាប់ថ្លឹងគ្រឿងញៀនចំនួន១គ្រឿង សម្ភារៈប្រើប្រាស់គ្រឿងញៀនមួយចំនួន ទូរស័ព្ទចំនួន១គ្រឿង ប្រាក់ដុងចំនួន១.២០០.០០០ដុង ។
ប្រភពខាងលើបានឲ្យដឹងទៀតថាៈ រហូតដល់ម៉ោង២៣និង១០នាទីយប់ថ្ងៃដដែល សមត្ថកិច្ចជំនាញបានឆែកឆេរបន្ទប់ជួលលេខ២០ស្ថិតនៅភូមិបាវិតកណ្តាលសង្កាត់បាវិតដោយបានរកឃើញ និងចាប់បានវត្ថុតាងរួមមាន ម្ស៉ៅក្រាមពណ៌សថ្លាចំនួន៤កញ្ចប់ សម្ភារៈប្រើប្រាស់គ្រឿងញៀនមួយចំនួន ទូរស័ព្ទចំនួន២គ្រឿង ប្រាក់ដុងចំនួន៤៥៥.០០០ដុង ប្រាក់ដុល្លារចំនួន៥ដុល្លារ ។
ក្រោយពីបញ្ចប់ការឆែកឆេរកម្លាំងជំនាញបានឃាត់ខ្លួនជនស្ស័យម្នាក់ឈ្មោះង្វៀង ធីមីយាង ភេទស្រី អាយុ២៧ឆ្នាំ មានទីលំនៅបច្ចុប្បន្នស្នាក់នៅបន្ទប់ជួលលេខ២០ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ក៏បាននាំជនសង្ស័យទាំង២នាក់មកកាន់ទីបញ្ជាការដ្ឋានកងរាជអាវុធហត្ថខេត្តដើម្បីចាត់ការសាកសួរកសាងសំណុំរឿងទៅតាមផ្លូវច្បាប់ ៕ យឹម សុថាន
