សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសLX 470មួយគ្រឿងបើកបរដោយបុរសជនជាតិចិនបានបើកឆ្លងផ្លូវត្រូវរថយន្តម៉ាស្តាបើកបុកពីចំហៀងពេញទំហឹងបណ្តាលឲ្យរងការខូចខាតទាំងសងខាង ។
ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី១៦ ខែតុលាឆ្នាំ២០១៩ នៅចំណុចស្តុបវត្តនាគវ័ន្ត តាមបណ្តាលមហាវិថីសហព័ន្ធរុស្ស៊ី ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាកឡិចស៊ីសLX 470 ពណ៍ស្ក ពាក់ស្លាកលេខភ្នំពេញ2W 7866 បើកបរដោយបុរសជនជាតិចិនធ្វើដំណើរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកើត ខណៈមកដល់ចំណុចកើតហេតុដោយភ្លើងស្តុបខៀវក៏ទាញចង្កូតបត់ឆ្វេងឆ្លងផ្លូវទៅជើងភ្លាមនោះ ក៏មានរថយន្តម៉ាកម៉ាស្តា ពណ៌សពាក់ស្លាកលេខ ភ្នំពេញ 2BC 0434 ធ្វើដំណើរតាមមហាវិថីសហព័ន្ធរុស្ស៊ីក្នុងទិសដៅពីកើតទៅលិច ក៏ជ្រុលបុកពីចំហៀងពេញទំហឹងបណ្តាលឲ្យរងការខូចខាតទាំងសងខាងតែម្តង ។
ក្រោយកើតហេតុសមត្ថកិច្ចបានចុះទៅដល់ចំណុចកើតហេតុ និងវាស់វែងយកទៅរក្សាទុកនៅអធិការដ្ឋាននគរបាលខណ្ឌទួលគោករង់ចាំដោះស្រាយតាមច្បាប់ ៕ សុខាសែនជ័យ
