សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បើករថយន្តបញ្ច្រាស់ផ្លូវជ្រុលបុករថយន្តបែនដឹកខ្សាច់ចំពីមុខពេញទំហឹងបណ្តាលឲ្យរងការខូចខាតទាំងសងខាង។
ហេតុការណ៍នេះ បានកើតឡើងកាលពីវេលាម៉ោង១០និង៤៥ នាទីព្រឹក ថ្ងៃទី២០ ខែតុលា ឆ្នាំ២០១៩ ស្ថិតនៅតាមបណ្តោយផ្លូវជាតិលេខ៣ ក្នុងភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មាននៅមុនពេលកើតហេតុមានរថយន្ត RAV4 ពាក់ស្លាកលេខ ភ្នំពេញ 2Y 8832 បើកបរដោយជនជាតិចិន មិនបានស្គាល់ឈ្មោះបានធ្វើដំណើរពីជើងទៅត្បូងដោយបើកបរមិនប្រកាន់ស្តាំបានមកដល់ចំណុចកើតហេតុបុកយ៉ាងពេញទំហឹងជាមួយរថយន្តប្រភេទបែនដឹកខ្សាច់ពាក់ស្លាកលេខ ភ្នំពេញ 3D 8177 ទិសដៅពីត្បូងទៅជើងដោយបើកបរប្រកាន់ស្តាំត្រឹមត្រូវ បណ្តាលឲ្យរងការខូចខាតខ្ទេចមួយកំណាត់មុខសំណាងអ្នកបើកបរមិនមានរបួស។
ក្រោយពេលកើតហេតុ សមត្ថកិច្ចបានចុះវាស់វែង និងយករថយន្តទាំងសងដាក់អែបខាងដើម្បីរង់ចាំការដោះស្រាយ ៕ សុខាសែនជ័យ
