សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅថ្ងៃទី២៤ ខែតុលា ឆ្នាំ ២០១៩ វេលាម៉ោង ១០:៣០ នាទី នៅចំណុចភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ នគរបាលបានឃាត់ខ្លួនជនសង្ស័យ២នាក់ ដែលនគរបាលអះអាងថា ជាអ្នកប្រព្រឹត្តអំពើចោរកម្ម (កាច់សោលួចម៉ូតូ) យ៉ាងសកម្ម ។
ប្រភពបញ្ជាក់ថា ជនសង្ស័យ ឈ្មោះ ប្រាក់ សុវណ្ណ ភេទ ប្រុសអាយុ ៣៨ ឆ្នាំ មុខរបរមិនពិតប្រាកដ មានទីលំនៅភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ និងឈ្មោះ ឈុន នាង ភេទ ប្រុសអាយុ ៣៧ ឆ្នាំ មុខរបរមិនពិតប្រាកដ មានទីលំនៅភូមិដីឥដ្ឋ ឃុំក្តៅកន្លែង ស្រុកគៀនស្វាយ ខេត្តកណ្ដាល ។
លោកអធិការនគរបាលស្រុកព្រៃនប់ប្រាប់ថា ជនសង្សយ័ទាំងពីរ បានធ្វើសកម្មភាព លួច(កាច់សោម៉ូតូ) លួចយកម៉ូតូ នៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ក្នុងនោះនគរបាលដកហូតបានវត្ថុតាង ម៉ូតូចំនួន២គ្រឿង ម៉ាក ហុងដាឌ្រីម ពណ៌ខ្មៅ ពាក់ស្លាក លេខព្រះសីហនុ ១H ៣១៥៨ ០ មួយគ្រឿង (ម៉ូតូជនរងគ្រោះ) និងម៉ូតូម៉ាក ហុងដា ឌ្រីម ពណ៌ខ្មៅ ពាក់ស្លាកលេខ ភ្នំពេញ ១GH ៤១៩៨ មួយគ្រឿង (ជនសង្សយ័ប្រើជាមធ្យោបាយធ្វើដំណើរ) ដែកសំរាប់កាច់សោម៉ូតូ០១ដើម និងសោទីបចំនួន២ដើម ។
បច្ចុប្បន្នសមត្តកិច្ចកំពុងកសាងសំណុំរឿងបញ្ជូនទៅសាលាដំបូងដើម្បីចាត់ការតាមច្បាប់ ៕ ឆ្លាម សមុទ្រ
