សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្តធុនធំមួយគ្រឿង បុករះប៉ះទៅលើរថយន្ត៣គ្រឿងទៀត នៅតាមផ្លូវចុះចំណោតលោកយាយម៉ៅក្រុងព្រះសីហនុ កាលពីព្រឹកព្រលឹមថ្ងៃទី២៥ ខែតុលា ឆ្នាំ២០១៩នេះ ។
សមត្ថកិច្ចបញ្ជាក់ថា គ្រោះថ្នាក់ចរាចរណ៍នេះបង្កដោយរថយន្ត១គ្រឿងម៉ាក HYUNDAI ពណ៌ស ស្លាកលេខ ភ្នំពេញ3E-1472 អ្នកបើកបរឈ្មោះ ឡុង ឆេងប៉ា ភេទប្រុស អាយុ ២៩ឆ្នាំ មុខរបរ បើកបរ ស្នាក់នៅ ភូមិថ្មបាំង ឃុំបឹងបេង ស្រុកម៉ាឡៃ ខេត្តបន្ទាយមានជ័យ មានទិសដៅ ចូលក្រុង ពេលមកដល់ចំណុចខាងលើ ស្ថានភាពភាពផ្លូវចុះចំណោតផងរថយន្តនេះហ្រ្វាំងមិនសុីក៏បានជ្រុលទៅបុកប៉ះរថយន្តចំនួន ៣គ្រឿង ។
សមត្ថកិច្ចបញ្ជាក់ថា រថយន្តដែលគ្រោះថ្នាក់ ១,រថយន្តម៉ាក HYUNDAIពណ៌សស្លាក លេខបាត់ដំបង 3A-1600 អ្នកបើកបរឈ្មោះ គុជ ឌីណា ភេទប្រុស អាយុ ៣៦ឆ្នាំ រមុខរបរ បើកបររថយន្ត មានទីលំនៅបច្ចុប្បន្ន ភូមិត្រពាំងក្រពើ ឃុំក្រាំងម្កាក់ ស្រុកអង្គស្នូល ខេត្តកណ្ដាល ។ ២,រថយន្តម៉ាក HINOពណ៌ស-ខៀវស្លាក លេខកំពង់ចាម3A-7717 អ្នកបើកបរឈ្មោះ រិទ្ធ សេន ភេទប្រុស អាយុ ៣០ឆ្នាំ មុខរបរ បើកបររថយន្ត ស្នាក់នៅ រាជធានីភ្នំពេញ ។ ៣, រថយន្តម៉ាក SSANGYONG ពណ៌ ប្រផេះស្លាក លេខ ភ្នំពេញ2G-6106 អ្នកបើកបរឈ្មោះ អេង សុផា ភេទប្រុស អាយុ ៣១ឆ្នាំ មុខរបរ បើកបររថយន្ត ស្នាក់នៅ រាជធានីភ្នំពេញ ។
គ្រោះថ្នាក់នេះ មិនបណ្តាលឲ្យមានអ្នករងគ្រោះធ្ងន់ធ្ងរទេ ដោយគ្រាន់តែខូចខាតរថយន្ត ទាំង៤គ្រឿង និងសម្ភារៈ មួយចំនួន ។
ក្រោយកើតហេតុ សមត្ថកិច្ចនគរបាលចរាចរណ៍ ចាត់ចែង យករថយន្តទាំង៤គ្រឿង មករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីដោះស្រាយបន្ត តាមច្បាប់ ៕ ឆ្លាម សមុទ្រ
