សារព័ត៌មាន នគរវត្ត តែងតែនាំមុខគេជានិច្ច
ទ្វីបអាហ្វ្រិក គឺជា ទីលាន របស់បណ្តាប្រទេសលោកខាងលិច ក្នុងនោះមាន អាមេរិក អឺរ៉ុប បានធ្វើអាណានិគមន៍ ទៅលើប្រទេសជាច្រើននៅក្នុងតំបន់នោះ ។ ប្រទេសលោកខាងលិច ក៏បាន ដកចេញវិញ ក្រោយធុនធានធម្មជាតិនៅទីនោះត្រូវបានបំផ្លាញអស់ ។
នៅពេលនេះ ប្រទេសទ្វីបអាហ្វ្រិក បានងាក់ទៅរក រុស្ស៊ីនិងចិនវិញម្តង ដើម្បីពង្រឹងសេដ្ឋកិច្ច របស់ខ្លួន ។ នៅពេលនេះ រុស្ស៊ីកំពុងតែ បង្កើនឥទ្ថិពលនៅទ្វីបអាហ្វ្រិកជាថ្មីឡើងវិញ ដោយរុស្ស៊ីបានបង្កើនកិច្ចសហប្រតិបត្តិការណ៍ ជាមួយបណ្តាប្រទេស ទ្វីបអាហ្វ្រិកតាមរយៈ កិច្ចសហប្រតិបត្តិការណ៍ ដើម្បីទប់ស្កាត់ក្រុមភេរវកម្ម និងក្រុមជ្រុលនិយម ។
ប្រធានាធិបតី រុស្ស៊ីលោកពូទីនបានប្រកាសនៅក្នុងកិច្ចប្រជុំ កំពូល រុស្ស៊ី អាហ្វ្រិក នៅទីក្រុង ស៊ូ ជី ប្រទេសរុស្ស៊ីនាពេលកន្លងមកថា« យើងសង្ឃឹមថា ចំណុចសំខាន់ គឺ ត្រូវតែខិតខំប្រឆាំងក្រុមភេរវកម្ម ។ យើងចាំបាច់ត្រូវតែបង្កើនទំនាក់ទំនង យ៉ាងជិតស្និទ្ធ ដោះដូរព័ត៌មាន ដើម្បីទប់ស្កាត់ បទល្មើស ។
ប្រធានាធិបតី រុស្ស៊ី លោកពូទីនបានស្វាគមន៍ ថ្នាក់ដឹកនាំ មន្ត្រីជាបន់ខ្ពស់ រាប់ពាន់នាក់មកពី៤៣ ប្រទេសនៅក្នុងទ្វីបអាហ្វ្រិក ។ ប្រធានបទនៅក្នុងកិច្ចពិភាក្សាគឺសេដ្ឋកិច្ច នយោបាយ មានតម្លៃរាប់ពាន់លានដុល្លារ ។ ជាមួយគ្នានេះរុស្ស៊ីក៏បានលក់អាវុធ មានតម្លៃរាប់ពាន់លានដុល្លារដល់ តំបន់អាហ្វ្រិកផងដែរ។
ប្រទេសនៅក្នុងទ្វីបអាហ្វ្រិក ទាំង ៥៤ ប្រទេសនៅទ្វីបអាហ្វ្រិក បានបញ្ជូនគណប្រតិភូទៅចូលរួម ក្នុងនោះមានថ្នាក់ដឹកនាំ៤៣ ប្រទេស។ ប្រធានាធិបតីពូទីន បញ្ជាក់ថាបច្ចុប្បន្នយើង បាននាំចេញទំនិញទៅកាន់ទ្វីប អាហ្វ្រិក មានតម្លៃ២៥ពាន់លានដុល្លារ ក្នុងមួយឆ្នាំ ។ ក្នុងរយៈពេល៤ទៅ៥ឆ្នាំខាងមុខទៀត យើងនឹងបង្កើនការនាំទំនិញទៅកាន់ទ្វីបអាហ្រិកដល់ទៅទ្វេដង ។
ប្រទេសមហាអំណាច លោកខាងលិច ក្នុងនោះមានអាមរិក ជាដើមបានបោះបង់ចោលទ្វីប អាហ្វ្រិក ទើបធ្វើឲ្យរុស្ស៊ី និងចិនមានឱកាសចូលទៅកាន់ទីនោះ ។ បណ្តាប្រទេសទ្វីបអាហ្វ្រិក ទើប ងាកទៅរកចិន និងរុស្ស៊ី វិញ៕
