សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យ៉ាងហោចណាស់ក៏មាន មនុស្សប្រុសស្រី២នាក់បានស្លាប់ដោយសាររថយន្តស្ទួចកិន អូសជាង១០មែត្រ ខណ:ជនរងគ្រោះ ទាំង២អ្នកជិះម៉ូតូជែងរថយន្ត មួយគ្រឿងស្របទិសនៅខាងមុខមិនផុតជ្រុល ទៅប៉ះនឹងកាងក្បាលរថយន្តដួលចូលក្រោមកង់រថយន្តបណ្តាលអោយកិនស្លាប់ទាំង២នាក់តែម្តង ។
ហេតុការណ៍ដ៏រន្ធត់នេះ កេីតឡេីងនៅវេលាម៉ោង១៦និង២០នាទីថ្ងៃទី ២៨ តុលា ២០១៩ ស្ថិតនៅតាមផ្លូវបេតុង៣០មែត្រ ខាងកេី តបុរសន្តិភាព២ ភូមិព្រៃល្ង សង្កាត់ចោមចៅទី២ ខណ្ឌពោធិ៍សែនជ័យ។ ជនរងគ្រោះមិនត្រូវបានគេស្គាល់អត្តសញ្ញាណនោះទេ វ័យជាង២០ឆ្នាំ ជិះម៉ូតូម៉ាកស្មាស់រីវ៉ូ ពណ៌ខ្មៅ កញ្ចាស់គ្មានស្លាកលេខ។
តាមសាក្សីដែលឃេីញហេតុការណ៍នេះ បានប្រាប់អោយដឹងថា មុនដំបូងគេឃេីញ ជនរងគ្រោះទាំង២នាក់ ជិះម៉ូតូម៉ាកខាងលេីតាមបណ្តោយផ្លូវបេតុង៣០ ក្នុងទិសដៅពីលិចទៅកេីត ក្នុងល្បឿនលឿន ខណះមកដល់ចំណុចកេីតហេតុ ជនរងគ្រោះបានវ៉ាជែងរថយន្តមួយគ្រឿង នៅខាងមុខស្របទិសគ្នា ខណះនោះក៏មានរថយន្តស្ទួច ប្រភេទ៥តោន ម៉ាកហ៊ីយ៉ាន់ដាយពណ៍ស ពាក់ស្លាកលេខភ្នំពេញ3E-3871 បេីកបរដោយបុរសម្នាក់ ពីកេីតទៅលិចបញ្រ្ចាស់ទិសគ្នាជាមួយម៉ូតូ ក៏ត្រូវម៉ូតូទៅប៉ះកាងរថយន្តខាងមុខ ខាងឆ្វេងដួលម៉ូតូចូលក្រោមទាំងសងខាងកិនអូសជាង១០មែតស្លាប់ទាំង២នាក់ យ៉ាងអាណោចអាធ័ម។
ក្រោយកើតហេតុនគរបាលមូលដ្ឋានបានចុះដល់កន្លែងកើតហេតុសម្រួលចរាចរណ៍និងបានរាយការណ៍ទៅ ជំនាញឲ្យទាក់ទងទៅជំនាញចរាចរក្រុងចុះមកវាស់វែងរថយន្តបង្កយកទៅទុកនៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ។ ចំណែកសពសមត្ថកិច្ចបានប្រគល់អោយរថយន្តដឹកសព យកទៅតម្កល់នៅវត្តទឹកថ្លា ដេីម្បីធ្វើការស្រាវជ្រាវរកសាច់ញាតិមកទទួលយកទៅធ្វេីបុណ្យតាមប្រពៃណី៕ សុខាសែនជ័យ
