សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ត្រូវបាន គេប្រទះឃើញចងកសម្លាប់ខ្លួនក្រោមដើមស្វាយបង្កការភ្ញាក់ ផ្អើលដល់គ្រួសារ និងអ្នកភូមិទាំងព្រឹក កាលពីវេលាម៉ោង៥និង៣០នាទីថ្ងៃ៣១ ខែតុលា ឆ្នាំ២០១៩ ស្ថិតភូមិត្រពាំងស្មាច់ ឃុំជ្រៃធំ ស្រុករមាសហែក ខេត្តស្វាយរៀង ។
បើតាមសមត្ថកិច្ចនគរបាល ស្រុកបានអោយដឹងថា បុរសដែលសង្ស័យចងកសម្លាប់ខ្លួន មានឈ្មោះ ប៑ុន ហេង អាយុ៥៦ឆ្នាំ មុខរបរកសិករ រស់នៅ ភូមិត្រពាំង ស្មាច់ ឃុំជ្រៃ ធំ ស្រុករមាសហែក ។
សមត្ថកិច្ចបានបញ្ជាក់ថា បន្ទាប់ពីទទួលបានព័ត៍មានភ្លាមសមត្ថកិច្ចនគរបាលស្រុកប៉ុស្តិ៍រដ្ឋបាល និងគ្រូពេទ្យបានមកពិនិត្យជាច្រើនម៉ោង ទើបសន្និដ្ឋានពិតជាចងកប្រាកដមែន ព្រោះមិនឃើញមានស្លាកស្នាមសម្គាល់ថា ជារឿងឃាតកម្មនោះទេ ខណៈសពដោយយកក្រមា ចងនឹងដើមស្វាយក្បែរផ្ទះរបស់ខ្លួន ។
បើតាមក្រុមគ្រួសារបានប្រាប់ សមត្ថកិច្ចថា ឪពុកខ្លួនគឺមានជំងឺប្រចាំកាយច្រើនឆ្នាំមកហើយ ខណៈយកទៅព្យាបាលនៅមន្ទីរពេទ្យ និងផឹកថ្នាំសង្កូវដែរ ខណៈធូរស្រាលបានមួយរយះ ក៏រើឡើងវិញ ទើបបណ្ដោយរហូតដល់ថ្ងៃកើតហេតុបង្កការភ្ញាក់ផ្អើលតែម្ដង ។
សពត្រូវបានសមត្ថកិច្ចប្រគល់អោយក្រុមគ្រួសារយកមក ធ្វើបុណ្យតាមប្រពៃណី ៕ យឹម សុថាន
