សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មន្ត្រីស្ថានទូតកម្ពុជាប្រចាំប្រទេសថៃបានសេចក្តីប្រកាសព័ត៌មាននៅថ្ងៃទី៣០ ខែតុលា ឆ្នាំ២០១៩ដោយបានបញ្ជាក់ថា បច្ចុប្បន្ននេះ ពលករខ្មែរនៅក្នុងប្រទេសថៃកំពុងបម្រើការងារតាមធម្មតា ពុំមានការធ្វើដំណើរវិល ត្រឡប់ទៅប្រទេសកម្ពុជាជាគំហុកនោះឡេីយ ។
មន្ត្រីទូតកម្ពុជាអះអាងថា ជាងនេះទៅ ទៀត ភាគីថៃ ក៏កំពុងតែដំណើរការបន្តទិដ្ឋាការស្នាក់នៅ និងប័ណ្ណអនុញ្ញាតការងារជូនដល់ពលករអាចស្នាក់នៅ និងធ្វើការនៅក្នុងប្រទេសថៃបន្តទៀតបានរហូតដល់ ឆ្នាំ២០២២ទៀតផង ។
ការចេញសេចក្តីប្រកាសព័ត៌មានរបស់មន្ត្រីទូតកម្ពុជា បន្ទាប់ពីថ្មីៗនេះ មានសារព័ត៌មានក្នុងស្រុក និងសារព័ត៌មានតាមបណ្តាញសង្គមមួយចំនួន បានយករូបភាព និងក្លិបវីដេអូចាស់ៗ អំពីការចុះត្រួតពិនិត្យពលករបរទេសរបស់អាជ្ញាធរថៃ និងការធ្វើដំណើរឆ្លងកាត់ព្រំដែនវិល
ត្រឡប់ ទៅចូលរួមបុណ្យចូលឆ្នាំថ្មីប្រពៃណីជាតិខ្មែររបស់បងប្អូនពលករនាពេលកន្លងមក មកធ្វើការផ្សព្វផ្សាយឡើងវិញ ក្នុងគោលបំណងបង្កការភ្ញាក់ផ្អើល និងអូសទាញឱ្យបងប្អូនពលករត្រឡប់ទៅប្រទេសកម្ពុជាវិញ ដើម្បីកេងចំណេញផ្នែកនយោបាយ។
មន្ត្រីទូតកម្ពុជាប្រចាំនៅប្រទេសថៃបាន
សូមបងប្អូនពលករទាំងអស់ រក្សាភាពស្ងៀមស្ងាត់ និងបន្តអនុវត្តការងារជាធម្មតា កុំជឿតាមការផ្សព្វផ្សាយ និងការញុះញង់ របស់សារព័ត៌មានមួយចំនួន ដែលជាហេតុបង្កឱ្យបងប្អូនខាតបង់ថវិកា ពេលវេលា និងអាចត្រូវនិយោជកបញ្ឈប់ពីការងារទៀតផង ៕ សដារា
