បន្តពូនជ្រំ កិច្ចសហប្រតិបត្តិការ រវាងកងទ័ពប្រទេសយើងទាំងពីរ ដែលមានតាំងពីដើមរៀងមក

ភ្នំពេញ៖ នាយឧត្តមសេនីយ៍ នាង ផាត រដ្ឋលេខាធិការ ប្រចាំ ការក្រសួងការពារជាតិ ក្នុងនាមសម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានកោតសរសើរ និងវាយតម្លៃខ្ពស់ចំពោះកិច្ចសហប្រតិបត្តិការ រវាងកងទ័ពប្រទេសទាំងពីរដែលមានតាំងពីដើមរៀងមក ។

នាយឧត្តមសេនីយ៍ នាង ផាត មានប្រសាន៍បែបនេះក្នងឱកាសដែលលោក ឧត្តមសេនីយ៍ត្រី ង្វៀន ដាយហូយ (NGUYEN DAI HOI) អនុប្រធានស្នងការ ការបរទេស កងទ័ពប្រជាជនវៀតណាម ដឹកនាំគណៈប្រតិភូចូលជួបសម្តែងការ គួរសមនៅអគារ”មិត្តភាព” ទីស្តីការគណៈរដ្ឋមន្ត្រីនារសៀលថ្ងៃអង្គារ ៨រោច ខែកក្តិក ឆ្នាំ កុរ ឯក ស័ក ព.ស ២៥ ៦៣ ត្រូវ និងថ្ងៃទី ១៩ ខែ វិច្ឆិកា ឆ្នាំ២០១៩ ។

ជំនួសមុខលោករដ្ឋមន្ត្រី ក្រសួងការពារប្រទេសវៀតណាម លោក ឧត្តមសេនីយ៍ត្រី ង្វៀន ដាយហូយ (NGUYEN DAI HOI) ថ្លែងអំណរគុណ និងពាំនាំផ្តាំផ្ញើការសាកសួរសុខទុក្ខពី សំណាក់ថ្នាក់ដឹកនាំក្រសួងការពារប្រទេស វៀតណាម ជូនចំ ពោះថ្នាក់ ដឹកនាំ ក្រសួងការពារជាតិកម្ពុជា ជានិច្ចកាលតែងតែ បន្តពូនជ្រំនូវចំណង មិត្តភាព​ សាមគ្គីភាព និងកិច្ចសហប្រតិ បត្តិការ រវាងកងទ័ពប្រទេសទាំងពីរ ឱយបានកាន់ តែរឹងមាំរីកចម្រើនថែមទៀត ។

ឧត្តមសេនីយ៍ត្រីបន្តទៀតថា: ក្នុងជំនួបរយះពេលមួយថ្ងៃ ជា មួយស្ថាប័នជំនាញ យើងបានឯកភាពគ្នាទៅតាមពិធីសារនៃអនុស្សារណ: ដែលបានចុះហត្តលេខាដោយប្រមុខការពារជាតិ ទាំងពីររួចហើយ ក្នុងរយះពេលកន្លង និងបន្តរៀបចំកិច្ចសហ ប្រតិបត្តិការថី្មបន្តទៀតសម្រាប់ឆ្នាំថ្មី ២០២០- ២០២៤ បន្តទៀត ។

នាយឧត្តមសេនីយ៍ នាង ផាត ជំនួសមុខ រដ្ឋមន្ត្រីក្រសួងការ ពារជាតិ បានថ្លែងអំណរគុណ ចំពោះភាគីមិត្ត ជានិច្ចកាលតែជួយបណ្តុះបណ្តាលកងយោធពលខេមរភូមិន្ទទាំងរយះពេលវែង-ខ្លី ក្នុងមួយឆ្នាំៗ រាប់សិបនាក់ ជាការបង្ហាញនូវសន្តានចិត្ត មុតមាំក្នុងការជួយមិត្ត ក្នុងនាមប្រទេសភូមិផងរបងជាមួយ ។ បន្ទាប់មក ភាគីទាំងពីរ ក៏បានប្រគល់ជួនវត្តុអនុស្សវរីយ៍ ទៅវិញទៅមក ប្រកបដោយមនោសញ្ចេតនាផងដែរ ៕ សុខដុម