អាជ្ញាធររាជធានីភ្នំពេសម្រេច ចិត្ដបិទការដ្ឋានសំណង់អគារ៤២ជាន់បណ្ដោះអាសន្នដើម្បីព្រមានបន្ទាប់ពីមានការ ភ្ញាក់ផ្អើលធ្លាក់ដែក បង្កគ្រោះថ្នាក់

ភ្នំពេញ៖ យោងតាមការបញ្ជាក់​របស់ លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានបញ្ជាក់ឲ្យនៅរសៀលថ្ងៃទី២០ ខែវិច្ឆិកា ឆ្នាំ២០១៩នេះថា ៖ ក្រោយកើតមានឧបទ្ទវហេតុ ធ្លាក់ដែកមកលើរថយន្តប្រជាពលរដ្ឋម្តង ជា២ដងរួចមកហើយនោះ ដោយសារតែការធ្វេសប្រហែស មិនប្រយត្ន័របស់ អគារក្រុមហ៊ុន Gold Tower ៤២ (ហៅអគារ៤២ជាន់) ពេលនេះ ចៅហ្វាយ ក្រុងភ្នំពេញ លោក ឃួង ស្រេង អភិបាលរាជធានីភ្នំពេញ ជាជំហ៊ានដំបូងបាន សម្រេច បិទទីតាំង អគារ Gold Tower៤២ (ហៅអគារ៤២ជាន់) នេះ ដើម្បីព្រមាន ។ ខណៈ មន្ត្រីជំនាញខាងខណ្ឌ និងរាជធានី កំពុងតែចុះទៅទីតាំងកើតហេតុជាបន្តបន្ទាប់ ដើម្បីអនុវត្តន៍គោលការណ៍ និងមានវិធានការណ៏ជាច្រើនទៀត ។

សូមបញ្ជាក់ថា៖ មានការភ្ញាក់ផ្អើលឡើងសារជាថ្មីទៀតហើយ ក្រោយពីរថយន្តស៊េរីទំនើបមួយគ្រឿងម៉ាក ម៉ាសឺដេស ពាក់ស្លាកលេខ ភ្នំពេញ 2BC-7788 ​ត្រូវបានដែក នៅអាគារ Gold Tower42 ​ (ហៅអាគារ៤២ជាន់) ធ្លាក់ចំបណ្តាលឲ្យរងការខូចខាតយ៉ាងដំណំ។ នេះពិតជាមហា សំណាងណាស់ ដែលគ្មានមនុស្សរងគ្រោះថ្នាក់នោះឡើយ។

ហេតុការណ៍នេះបានកើតឡើងនៅវេលាម៉ោង១និង៥០នាទីរសៀល ថ្ងៃទី២០ ខែវិច្ឆិកា ឆ្នាំ២០១៩ នៅស្តុបអាគារ ៤២ជាន់ មុខការដ្ឋាន Gold Tower៤២​ (ហៅអាគារ៤២ជាន់) ក្នុងខណ្ឌចំការមន រាជធានីភ្នំពេញ។

អគារ៤២ជាន់នេះធ្លាបកើត រឿងជាច្រើនដងមកហើយ តែងតែបង្កគ្រោះថ្នាក់ ធ្លាក់ដែកមកលើរថយន្តរបស់ប្រជាពលរដ្ឋ ជាញឹកញាប់ តែអគារនេះ ហាក់បីដូចជាបន្តសាងសង់បាន និងបណ្តោយឲ្យកើត រឿងមកលើប្រជាពលរដ្ឋជាច្រើនលើកជា ច្រើនសារ ៕ សំរឹទ្ធ