សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងបើករថយន្តម៉ាស្តា ក្នុងល្បឿនជ្រុលបុករថយន្តព្រូស រុញបុករថយន្តហាយឡេនឌ័រ ខណៈឈប់ចាំស្តុបបណ្តាលឲ្យរងការ ខូចខាតយ៉ាងដំណំ ។
ហេតុការណ៍នេះបានកើតឡើងកាលពីវេលា ម៉ោង១១និង៣០នាទីយប់ ថ្ងៃទី២១ ខែវិច្ឆិកា ឆ្នាំ២០១៩ នៅចំណុចផ្លូវ៦៣កែងផ្លូវព្រះសីហនុ ស្ថិតក្នុងសង្កាត់បឹងកេងកង១ ខណ្ឌបឹកកេងកង រាជធានីភ្នំពេញ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តម៉ាកហាយឡេនឌ័រ ពណ៌ខ្មៅពាក់ស្លាកលេខភ្នំពេញ2AI 0610 ធ្វើដំណើរតាមបណ្តោយផ្លូវ៦៣ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ដោយសារភ្លើងស្តុបក្រហម ទើបឈប់ចាំបន្ទាប់មកក៏មានរថយន្តម៉ាកព្រូសពណ៌ក្រហម ពាក់ស្លាកលេខ ភ្នំពេញ 2AR 3173 ធ្វើដំណើរស្របទិសគ្នាមកឈប់ ពីក្រោយ ។
សាក្សីបន្តថា ភ្លាមនោះស្រាប់តែមានរថយន្ត ម៉ាកម៉ាស្តា ពណ៌ប្រផេះ ពាក់ស្លាកលេខ ភ្នំពេញ 2AG 1268 បើកបរដោយបុរសម្នាក់ស្រវឹង ធ្វើដំណើរមកពីក្រោយក្នុងល្បឿន លឿនក៏ជ្រុលបុកពីក្រោយពេញ ទំហឹងបណ្តាលឲ្យរថយន្តព្រូសរុញទៅ បុករថយន្តហាយឡេនឌ័ររងការ ខូចខាតយ៉ាងដំណំទាំងបីគ្រឿង តែម្តង សំណាងមិនមានមនុស្សរងរបួស ។
ក្រោយកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុ និងនាក់ទងទៅជំនាញមកវាស់វែងយកទៅរក្សាទុកនៅការិយាល័យ ចរាចរណ៍ជើងគោករាជធានី ភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
