សារព័ត៌មាន នគរវត្ត តែងតែនាំមុខគេជានិច្ច
ក្រុមភេរវកម្មនៅក្នុងប្រទេសបង់ក្លាដែសបានបង្កក្តីបារម្ភយ៉ាងខ្លាំង ដល់ពលរដ្ឋ ដោយក្រុមភេរវកម្មនៅក្នុងប្រទេសនេះ មានទំនាក់ទំនងជាមួយ ក្រុមIS នៅក្នុងប្រទេសស៊ីរី ។ កាលពីឆ្នាំ២០១៦ ក្រុមភេរវកម្មបានសម្លាប់ជនបរទេសដល់ទៅ២០ នាក់ក្នុងប្រទេសបង់ក្លាដែស ហើយក្រុមភេរវករជាច្រើនក៏ត្រូវបានចាប់ខ្លួន ។
នៅពេលនេះតុលាការប្រឆាំងភេរវកម្មពិសេសរបស់បង់ក្លាដែស បានប្រកាស់កាត់ទោសប្រហារជីវិតក្រុមភេរវករចំនួន៧នាក់ មកពីក្រុមអ៊ីស្លាម Jumatul Mujahedeen ដែលជាក្រុមភេរវករ នៅពីក្រោយការវាយប្រហារ កាលពីឆ្នាំ២០១៦ ដោយបានសម្លាប់មនុស្ស២២នាក់ ភាគច្រើនជាជនបរទេស ។
ចៅក្រម Mojibur Rahman បានចោទប្រកាន់ខ្មាន់កាំភ្លើង ក្រុម Jumatul Mujahedeen ជាអ្នកផលិតគ្រាប់បែកសម្លាប់មនុស្ស ។ ក្នុងចំណោមជនជាប់ចោទ៨នាក់ពាក់ព័ន្ធ និងការវាយប្រហារនោះ មានជនសង័្សយម្នាក់ បានរួចផុតពីការចោទប្រកាន់ ។ តុលាការពិសេសរបស់ប្រទេសបង់ក្លាដែស បានប្រកាសសាលក្រមប្រហារជីវិតភេរវករ ចំនួន៧នាក់ ជាប់ពាក់ព័ន្ធ និងការវាយប្រហារភេរវកម្ម កាលពីឆ្នាំ២០១៦ ។
សូមបញ្ជាក់ផងដែរថា កាលពីថ្ងៃទី១ ខែកក្កដា ឆ្នាំ២០១៦ ភេរវករ៥នាក់ បានវាយប្រហារទៅលើហាងកាហ្វេមួយ នៅទីក្រុងDhaka ដោយចាប់មនុស្ស២០នាក់ធ្វើជាចំណាប់ខ្មាំង រួចហើយសម្លាប់ចំណាប់ខ្មាំងទាំងនោះ ។ ជនរងគ្រោះ ទាំងអស់ គឺជាជនបរទេស មកពីអ៊ីតាលី និងជប៉ុន ។ ក្រៅពីនេះ ក៏មានប៉ូលិសពីរនាក់ បានលះបង់ជីវិត នៅក្នុងការប្រយុទ្ធគ្នាជាមួយ និងក្រុមភេរវករផងដែរ ។ ចំណែកភេរវករ៥នាក់ ក៏ត្រូវបានប៉ូលិសបាញ់សម្លាប់ ក្រោយការឡោមព័ទ្ធនៅទីនោះ រយៈពេល១២៕
