សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ នៅយប់ម៉ោងប្រហែលជិត១០យប់ ថ្ងៃទី២៧ ខែវិច្ឆិកា ឆ្នាំ២០១៩ នៅចំណុចផ្លូវទៅកាំងមេម៉ាយ ភូមិរាជានុកូល សង្កាត់ស្ទឹងត្រែង ក្រុងក្រុងស្ទឹងត្រែង ខេត្តស្ទឹងត្រែង មានហេតុការណ៍គ្រោះថ្នាក់ចរាចរណ៍រថយន្តបុកក្មេងប្រុសអាយុ១៥ឆ្នាំ ដែលមិនគ្រប់លក្ខណៈ បណ្តាលឲ្យស្លាប់យ៉ាងអាណោចអាធ័ម ។
សមត្ថកិច្ចបានបញ្ជាក់ថា: ជនរងគ្រោះឈ្មោះម៉ៃ សុខឃឿន ភេទប្រុស អាយុ១៥ឆ្នាំ រស់នៅភូមិកាំងមេម៉ាយ សង្កាត់ព្រះបាទ ក្រុងស្ទឹងត្រែ ខេត្តស្ទឹងត្រែង ។ បើតាមសាច់ញាតិបានឲ្យដឹងថា ជនរងគ្រោះមានសតិមិនសូវគ្រប់លក្ខណ:នោះទេ។
គ្មានប្រភពណាមួយអះអាងអំពីភិនភាគរថយន្តបង្កនោះឡើយ ហើយសមត្ថកិច្ចបាននិងកំពុងស្រាវជ្រាវ ។
បច្ចុប្បន្នសាកសពត្រូវសមត្ថកិច្ចប្រគល់ជូនគ្រួសារធ្វើបុណ្យទៅតាមប្រពៃណី ៕ មាសសុផាត
