សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោងជាង១០ព្រឹក ថ្ងៃទី២៩ ខែ ខែវិច្ឆិកា ឆ្នាំ២០១៩ នៅចំណុចស្ពានស្ទឹងសំរោង ចន្លោះគីឡូម៉ែត្រ ១១៥-១១៦ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុមានគ្រោះថ្នាក់ចរាចរណ៍រថយន្តបុកប៉ះគ្នា។
ប្រភពព័ត៌មានពីនគរបាលចរាចរណ៍ បានបញ្ជាក់ប្រាប់ថា រថយន្តដែលបុកគ្នាគឺរថយន្តបែន ពណ៌ត្រេអុី ស្លាកលេខ ខេមរៈភូមិន្ ទ02 3-420 ( អ្នកបេីកបររត់គេចបាត់) និងរថយន្តកុងទីន័រ ក្បាលពណ៍ ក្រហម ពាក់ស្លាកលេខ ព្រះសីហនុ 3A-2842 អ្នកបេីកបររងរបួសធ្ងន់ ភ្លាមៗបានបញ្ជូនទៅសង្រ្គោះនៅមន្ទីរពេទ្យ (ពុំទាន់ទាន់អត្តសញ្ញាណ) ។
ក្រោយកើតហេតុ កម្លាំងនគរបាលមូលដ្ឋានកងរាជអាវុធហត្ថស្រុកកំពង់សីលា និងនគរបាលស្រុក ជួយសម្រួលចរាចរណ៍និងចាត់ចែងតាមច្បាប់ ។
បច្ចុប្បន្នរថយន្តទាំងពីរគ្រឿងខាងលេី ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកកំពង់សីលារង់ចាំដោះស្រាយនៅពេលក្រោយ ៕ ឆ្លាម សមុទ្រ
