បុរសជនជាតិចិនម្នាក់ ដេកស្លាប់ក្នុងបន្ទប់ខុនដូសែនសុខដោយសារជំងឺលើសឈាម

ភ្នំពេញ៖ បុរសជនជាតិចិនម្នាក់ ដេកស្លាប់ក្នុងបន្ទប់ខុនដូសែនសុខសមត្ថកិច្ចសន្និដ្ឋានថា ជនរងគ្រោះមានជំងឺលើសឈាម ។ ហេតុការណ៍នេះបានកើតឡើងកាលវេលាម៉ោង១៦ និង៣០នាទី ថ្ងៃទី០៨ ខែធ្នូ ឆ្នាំ២០១៩ នៅចំណុចក្នុងខុនដូសែនសុខ បន្ទប់លេខ៨ ផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

ប្រភពពីសមត្ថកិច្ចបានឲ្យដឹងថា សពឈ្មោះ BAI HUA ភេទប្រុស អាយុ៥១ឆ្នាំ ជនជាតិចិន មុខរបរទេសចរណ៍ ស្នាក់នៅចំណុចកើតហេតុខាងលើ កាន់លិខិតឆ្លងដែនលេខ E85300042 ។​

ក្រោយពីមានការភ្ញាក់ផ្អើលថា មានមនុស្សដេកស្លាប់ខាងលើសមត្ថកិច្ចមូលដ្ឋាន និងសមត្ថកិច្ចជំនាញចុះត្រួតពិនិត្យ ហើយតាមការសន្និដ្ឋាន របស់លោកវេជ្ជបណ្ឌិត នង សុវណ្ណារ័ត្ន គ្រូសពេទ្យអមសាលាដំបូងរាជធានីភ្នំពេញ សន្និដ្ឋានថា សពស្លាប់ដោយជំងឺលើសឈាម។ បច្ចុប្បន្ន សពតម្កល់ធ្វើបុណ្យនៅវត្តទឹកថ្លា ៕ចន្ទ លីហ្សា