សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងជំនាញរបស់អធិការដ្ឋាននគរបាលខណ្ឌកំបូល សហការជាមួយកម្លាំងជំនាញការិយាល័យកំរិតធ្ងន់នៃស្នងការដ្ឋាននគរបាលរាជធានីភ្នំពេញ នៅថ្ងៃទី១២ ខែធ្នូ នេះ បានធ្វើការស្រាវជ្រាវរហូតដល់ឈានដល់ការឃាត់ខ្លួនមុខសញ្ញាបាន៣នាក់ ។
សមត្ថកិច្ច អះអាងថា មុនសញ្ញាទាំង៣នាក់ នេះ គឺ ជាមុខសញ្ញាដែលនៅសេសសល់ករណីធាក់ប្លន់យកម៉ូតូ នៅចំណុចផ្លូវជាតិលេខ៤ សង្កាត់កន្ទោក ខណ្ឌកំបូល កាលពីថ្ងៃទី៣ ខែតុលា ឆ្នាំ២០១៩ វេលាម៉ោងប្រហែល២រំលងអាធ្រាត្រ កន្លងមក ។
មុខសញ្ញាទាំង៣នាក់ មានឈ្មោះ អ៊ឹម សាវឡុង ហៅឡុង អាយុ២២ឆ្នាំ ឈ្មោះ ផល ភ័ស្ត អាយុ២១ឆ្នាំ និង ឈ្មោះឈឿន ឆៃរ៉ូត អាយុ២០ឆ្នាំ ។
បច្ចុប្បន្នក្រុមជនសង្ស័យ កំពុងស្ថិតនៅអធិការដ្ឋាននគរបាលខណ្ឌកំបូល បន្តនីតិវិធីមុនបញ្ជូនទៅតុលាការ ដើម្បីចាត់ការតាមច្បាប់ ៕ ចេស្តា
