លោកតាវ័យ៧០ឆ្នាំម្នាក់ ត្រូវរថយន្តហុកឡរបុករបួសធ្ងន់ម្នាក់ 

ខេត្តបន្ទាយមានជ័យ៖ លោកតាវ័យ៧១ឆ្នាំ ម្នាក់ បានរងរបួសធ្ងន់ ខណៈរថយន្តបុកជាមួយម៉ូតូ នៅវេលាម៉ោង៥និង៤០នាទីល្ងាច ថ្ងៃទី១១ ខែធ្នូ ឆ្នាំ២០១៩ នៅលើកំណាត់ផ្លូវលេខ១៥៦D ត្រង់ ចំណុចភូមិផ្លូវសៀម ឃុំគយមែង ស្រុកមង្គលបូរី ខេត្តបន្ទាយមានជ័យ ។

ប្រភពព័ត៌មានពីសមត្ថកិច្ចក្នុងមូលដ្ឋានប្រាប់ថា៖ ជនរងគ្រោះឈ្មោះ វ៉ាន់ ឈន់ ភេទប្រុសអាយុ៧១ឆ្នាំ នៅភូមិផ្លូវសៀម ឃុំគយមែង ស្រុកមង្គលបូរី ខេត្តបន្ទាយមានជ័យ បើកបរម៉ូតូម៉ាកហុងដាឌ្រីម ពណ៌ខ្មៅ សេរី២០១១ ពាក់ស្លាក ប.មានជ័យ,1E.8430 ។ រថយន្តម៉ាកហុងឡរ ពណ៌ស ពាក់ស្លាកលេខ B.B.0598 ចង្កូតស្តាំ ។

ប្រភពដដែលបានឲ្យដឹងទៀតថា៖ មុនពេលកើតហេតុ ម៉ូតូបើកពីទិសខាងលិចទៅកើត លុះមកដល់ចំណុចកើតហេតុ បានប្តូរគន្លងផ្លូវបត់មកខាងឆ្វេងដៃមិនពាក់មួកសុវត្ថិភាពមិនប្រយ័ត្ន ស្របពេលនោះរថយន្តបើកពីទិសខាងកើតទៅលិចបុកចំពីមុខ បណ្តាលឲ្យលោកតាជិះម៉ូតូរងរបួសធ្ងន់ ត្រូវបានសាច់ ញាតិជួយសង្រ្គោះដឹកទៅព្យាបាលនៅមន្ទីរពេទ្យ ។ចំណែកម៉ូតូ និងរថយន្តត្រូវបានសមត្ថកិច្ចនគរបាលជំនាញចរាចរណ៍ យកមករក្សាទុកនៅអធិការដ្ឋាននគរបាលស្រុក ដើម្បីរង់ចាំដោះស្រាយនៅពេលក្រោយ ៕ វណ្ណា