សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់អ្នកភូមិនាំគ្នាជួយពន្លត់ ខ្លះដងទឹកជះ ខណៈម្ចាស់ផ្ទះជាប់រវល់នាំគ្នាចេញទៅចាក់ថ្នាំលើផ្លូវជាតិ ពេទ្យឯកជន ចៃដន្យអាក្រក់ឆ្លងចរន្ត អគ្គិសនីឆេះម៉ត់ ។
ហេតុការណ៍នេះបានកើតឡើង កាលពីវេលាម៉ោង១និង៣០នាទីរសៀល ថ្ងៃទី២១ ខែធ្នូ ឆ្នាំ ២០១៩ នៅចំណុចភូមិមនោរម្យ ឃុំមនោរម្យ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលស្រុកបានឲ្យដឹងថាម្ចាស់ផ្ទះមានឈ្មោះ ស៊ីន សារ៉ាយ អាយុ៤៨ឆ្នាំ មុខរបរកសិករនិងមានប្រពន្ធឈ្មោះ ពៅ ជាតិ អាយុ៤៧ឆ្នាំ មានទីលំនៅកន្លែងកើតហេតុខាងលើ ។
ចំណែកផ្ទះដែលរងការឆាបឆេះ មានទំហំ៥ម៉ែត្រគុណនឹង៧ម៉ែត្រសង់អំពីឈើ ប្រក់សង្ក័សី ជញ្ជាំងសង្ក័សី ខូចខាតទាំងស្រុង និងឆេះសម្ភារមួយចំនួនធំ និងទ្រព្យសម្បត្តិមិនទាន់សរុបនៅឡើយ ។
តាមម្ចាស់ផ្ទះមានឈ្មោះ ស៊ីន សារ៉ាយ បានប្រាប់សមត្ថកិច្ចថាមុនកើតហេតុគាត់មានអការមិនស្រួលខ្លួនទើបហៅប្រពន្ធជូនទៅលើផ្លូវជាតិដើម្បីមកមន្ទីរពេទ្យឯកជនចាក់ថ្នាំ ។
ប្រភពបន្តថា ប្រមាណជាកន្លះម៉ោង ស្រាប់តែមានអ្នកភូមិរាយការណ៍ថា ផ្ទះគាត់មានភ្លើងកំពុងឆាប ឆេះទើបប្រញាប់ប្រញាលត្រឡប់ មកវិញ ហួសពេលទៅហើយ ៕ យឹម សុថាន
