សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ជនសង្ស័យម្នាក់ បានខ្ចីម៉ូតូគេជិះដោយនិយាយថា ជិះទៅយកខោអាវមួយភ្លែត តែបែរជាយកទៅលក់ លុះ៦ថ្ងៃក្រោយមក ជនរងគ្រោះឃើញក៏ចាប់ខ្លួនឲ្យសមត្ថកិច្ចចាត់ការ ។ ករណីនេះ បានកើតឡើងកាលពីថ្ងៃទី១៦ ខែធ្នូ ឆ្នាំ២០១៩ វេលាម៉ោង១៤និង១០នាទី ស្ថិតក្នុងភូមិទឹកជា ឃុំពើក ស្រុកអង្គស្នួល ខេត្តកណ្តាល ។
មន្ត្រីនគរបាលស្រុកអង្គស្នួលបានឲ្យដឹងថា ជនសង្ស័យឈ្មោះ សៀម ឌឿ ភេទប្រុសអាយុ៣៣ឆ្នាំ ជនជាតិខ្មែរ មុខរបរមិនពិត មានទីលំនៅភូមិទឹកជា ឃុំពើក ស្រុកអង្គស្នួល ខេត្តកណ្តាល។ ចំណែកជនរងគ្រោះឈ្មោះ សំ មករា ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិលំហាច ឃុំលំហាច ស្រុកអង្គស្នួល ខេត្តកណ្តាល។ ដោយឡែកសម្ភារះបាត់បង់មានម៉ូតូម៉ាកហុងដាឌ្រីម ស៊េរីឆ្នាំ២០០៧ ឡើងតែម០១៥ ពណ៌ខ្មៅ ១គ្រឿង ពាក់ស្លាកលេខភ្នំ1V-1340 លេខតួនិងលេខម៉ាសុិន8189607 ១គ្រឿង។
ប្រភពដដែលបន្តថា នៅមុនពេលកើតហេតុជនរងគ្រោះបានជិះម៉ូតូរបស់ខ្លួនមកធ្វើការនៅភូមិឃុំកើតហេតុ ខណៈនោះ ជនសង្ស័យបានមកខ្ចីម៉ូតូដោយនិយាយថាទៅយកខោអាវបន្តិចហើយក៏ជិះទៅបាត់តែម្តង។ លុះ៦ថ្ងៃក្រោយមក នៅថ្ងៃទី២២ ខែធ្នូ ឆ្នាំ២០១៩ វេលាម៉ោង១១និង៣០នាទី ស្រាប់តែជនរងគ្រោះបានឃើញជនសង្ស័យនៅថ្នល់ទទឹង ភ្លាមនោះក៏ឃាត់ខ្លួន យកមកអោយមត្ថកិច្ចតែម្តង។
នៅចំពោះមុខសមត្ថកិច្ច ជនសង្ស័យសារភាពថា ខ្លួនបានខ្ចីម៉ូតូជនរងគ្រោះប្រាកដមែន ពេលខ្ចីបានហើយនខ្លួនបានយកម៉ូតូនោះទៅលក់នៅខេត្តកំពង់ស្ពឺបានតម្លែ២៥០ដុល្លារ ។
បន្ទាប់ពីសួរនាំរួច កម្លាំងជំនាញកសាងសំណុំរឿងចាត់កាតាមនីតិវិធីច្បាប់ ៕ ស្អាងជ័យ
