សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះប្រជាពលរដ្ឋមួយខ្នងត្រូវអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចហៅរថយន្តពន្លតអគ្គិភ័យមកបាញ់ពន្លតភ្លាមៗ ដោយសារក្មេងដុតស្នោលេង ។
ហេតុការណ៍នេះ បង្កការណ៍ភ្ញាក់ផ្អើលកាលពីវេលាម៉ោង១ និង៥០នាទីរសៀល ថ្ងៃទី២៦ ខែធ្នូ ឆ្នាំ២០១៩ នៅផ្ទះជាន់ទី១ ភូមិប៉ប្រកត្បូង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។ ផ្ទះដែលឆាបឆេះនោះមានម្ចាស់ឈ្មោះ ហេង វ៉ាន់ ថា ភេទប្រុស អាយុ៦១ឆ្នាំ មុខរបរនៅផ្ទះកើតហេតុខាងលើ ។
តាមប្រភពព័ត៌មានបានឲ្យដឹងថា មុនពេលកើតហេតុមានក្មេងបានយកសំបកស្នោមកដុតលេងនៅកន្លែងដាក់សម្ភារតុ តុបតែងរោងការធ្វើឲ្យរៀលដាលឆ្លងឆេះយ៉ាងសន្ធោសន្ធៅភ្លាមនោះ ក៏បង្កការភ្ញាក់ផ្អើលដល់អ្នកជិតខាងនាំគ្នាជួយពន្លត និងរាយការណ៍ទៅសមត្ថកិច្ចហៅរថយន្តពន្លតអគ្គិភ័យមកអន្តរាគមន៍ចំនួន២គ្រឿងទើបអគ្គិភ័យរលត់ទៅវិញដោយមិនរៀលដាលដល់ផ្ទះអ្នកជិតខាងនោះទេ ។
សមត្ថកិច្ចបានបញ្ញាក់ថា ក្នុងហេតុការណ៍គ្រោះអគិ្គភ័យខាងលើនេះ បណ្តាលឲ្យខូចខាតសម្ភារតុបតែងរោងការមួយចំនួន និងមិនមានមនុស្សរងរបួសនោះទេ ៕ សុខាសែនជ័យ
