សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ នៅព្រឹកថ្ងៃអង្គារ ០៦កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣១ ខែធ្នូ ឆ្នាំ២០១៩ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ព្រមទាំងលោកមេបញ្ជាការរង និងសហការី បានអញ្ជើញសំណេះសំណាល និងនាំយកប្រាក់លំហែ មាតុភាព របស់រាជរដ្ឋាភិបាល ជូនដល់អាវុធហត្ថនារីឆ្លងទន្លេ ចំនួន០២នាក់។
អាវុធហត្ថនារីទាំងពីរនាក់រួមមាន ១/-លោកស្រី អនុសេនីយ៍ទោ ឆន ឡែន និង២/-លោកស្រីនាយចំណង់ ជឿន ចាន់ថា ។
ថវិកានេះសម្រាប់ឧបត្ថម្ភលើនារីអាវុធហត្ថដែលឆ្លងទន្លេបានកូនភ្លោះពីរ ដោយទទួលបានថវិកាចំនួន១៦០០០០០៛(មួយលានប្រាំមួយសែនរៀល) ក្នុងនោះលោកឧត្ដមសេនីយ៍ត្រី មេបញ្ជាការឧបត្ថម្ភបន្ថែមចំនួន១២០០០០០៛ (មួយលានពីរសែនរៀល) សរុប=២៨០០០០០៛ (ពីរលានប្រាំបីសែនរៀល) ចំណែកនារីដែលឆ្លងទន្លេបានកូនមួយ ទទួលបានថវិកាចំនួន៨០០០០០៛ (ប៉ែតសិបម៉ឺនរៀល) ក្នុងនោះលោកឧត្ដមសេនីយ៍ត្រី មេបញ្ជាការឧបត្ថម្ភបន្ថែមថវិកាចំនួន៦០០០០០៛ (ហុកសិបម៉ឺនរៀល) សរុប=១៤០០០០០៛(មួយលានបួនសែនរៀល)ផងដែរ ៕ សតារា
