សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីវេលាម៉ោង៩និង៤៥នាទីព្រឹក ថ្ងៃទី១ ខែមករា ឆ្នាំ២០២០ នៅលើវិថីផែ កែងរ៉ារទេះភ្លើង(P4) សង្កាត់លេខ៣ ក្រុង/ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង បង្កដោយរថយន្តស្ទូច ១គ្រឿងម៉ាក TADANO ពណ៌លឿង គ្មានស្លាកលេខ អ្នកបើកបរមិនស្គាល់អត្តសញ្ញាណ មានទិសដៅពីកើត ឆ្ពោះទៅ លិច លុះមកដល់ចំណុចខាងលើ ស្ថានភាពផ្លូវចុះចំណោត រថយន្តដាច់ហ្រ្វាំងបានជ្រុលទៅបុក នឹងរថយន្ត ២គ្រឿង និងម៉ូតូ ២គ្រឿង ៖
១,រថយន្តម៉ាក HYUNDAI STAREX ពណ៌ស ស្លាកលេខ ព្រះសីហនុ2A-5731 ឈប់ចត ម្ចាស់មិនទាន់ស្គាល់អត្តសញ្ញាណ ។
២,រថយន្តម៉ាក CAMERY ពណ៌ប្រាក់ ស្លាកលេខ ភ្នំពេញ2AB-6643 អ្នកបើកបរឈ្មោះ ឃឹម រស្មី ភេទប្រុស អាយុ ២៩ឆ្នាំ មានទីលំនៅ ស្រុកស្រែអំបិល ខេត្តកោះកុង ។
៣,ម៉ូតូម៉ាក YAMAHA ពណ៌ ស គ្មានស្លាកលេខ អ្នកបើកបរ មិនទាន់ស្គាល់អត្តសញ្ញាណ ភេទប្រុស ។
៤, ម៉ូតូម៉ាក HONDA C125 ពណ៌ ខ្មៅ ពាក់ស្លាកលេខ ព្រះសីហនុ1B-5082 អ្នកបើកបរ មិនស្គាល់អត្តសញ្ញាណ រួមដំណើរមនុស្សម្នាក់ឈ្មោះ នាក់ សុភា ភេទស្រី អាយុ ៦០ឆ្នាំ មានទីលំនៅ ភូមិ៣ សង្កាត់លេខ៣ ក្រុង/ខេត្តព្រះសីហនុ ។
សមត្ថកិច្ចបញ្ជាក់ថា គ្រោះថ្នាក់នេះ បណ្ដាលឲ្យស្លាប់មនុស្ស ២នាក់( ស្រី ១នាក់ ) រងរបួសមនុស្ស ១នាក់ ៖
១,ឈ្មោះ នាក់ សុភា ភេទស្រី អ្នករួមដំណើរនៅលើម៉ូតូ HONDA C125 ស្លាប់នៅនឹងកន្លែងកើតហេតុ ។
២, អ្នកបើកបរម៉ូតូ HONDA C125 មិនស្គាល់អត្តសញ្ញាណ ស្លាប់នៅនឹងកន្លែងកើតហេតុ ។
៣, អ្នកបើកបរម៉ូតូ YAMAHA មិនទាន់ស្គាល់អត្តសញ្ញាណ រងរបួសស្រាល បានដឹកទៅព្យាបាលនៅគ្លីនិកមិត្តភាពឃ្លាំងលើ ។
ចំណែកអ្នកបើកបររថយន្តបង្ក រត់គេចខ្លួនបាត់ ក្រោយពេលកើតហេតុ ។
បច្ចុប្បន្នវត្ថុតាង រថយន្ត៣គ្រឿង និង ម៉ូតូ ២គ្រឿង សមត្ថកិច្ចជំនាញ យកមករក្សារទុកនៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ ៕ ឆ្លាម សមុទ្រ
