សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់រងការចោទប្រកាន់ បន្លំយកទូរស័ព្ទដៃ ត្រូវបានម្ចាស់ឃើញទាន់ ឃាត់នាំខ្លួនប្រគល់ឲ្យនគរបាលប៉ុស្តិ៍ កាលពីវេលាម៉ោង១០និង១៥នាទីព្រឹក ថ្ងៃទី០២ ខែមករា ឆ្នាំ២០២០ នៅផ្ទះអ្នកលក់ ផ្លូវចោមចៅ មុខសួនកាណាឌីយ៉ា ភូមិត្រពាំងថ្លឹង២ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ។
ស្ត្រីដែលរងចោទប្រកាន់ មិនបានស្គាល់អត្តសញ្ញាណនៅឡើយទេ ខណៈដែលសមត្ថកិច្ចកំពុងសាកសួរ នៅក្នុងប៉ុស្តិ៍ មានអាយុជាង៣០ឆ្នាំ ។ តែបើតាម ប្រជាពលរដ្ឋបានឲ្យដឹងថា ស្ត្រីសង្ស័យបន្លំយកទូរស័ព្ទដៃ នៅកន្លែងអ្នកលក់ ចំណុចខាងលើ ត្រូវបានម្ចាស់ឃើញទាន់ចាប់ឃាត់ខ្លួន ប្រគល់ជូនសមត្ថកិច្ច ។
ទោះជាយ៉ាងណាក្តី រឿងចោទប្រកាន់បន្លំលួចខាងលើ ស្ត្រីសង្ស័យ ក្រោយម្ចាស់ឃាត់ខ្លួនបាន សមត្ថកិច្ចនាំទៅសាកសួរនៅប៉ុស្តិ៍ចោមចៅ១ ៕សុខាសែនជ័យ
