បើកបរលឿនខ្វះការប្រុងប្រយ័ត្នជ្រុលបុកស្លាកសញ្ញាចរាចរណ៍ និងដើមឈើ

ភ្នំពេញ៖ បុរសម្នាក់បានបើករថយន្តមួយគ្រឿងក្នុងល្បឿនយ៉ាងលឿនដោយខ្វះការប្រុងប្រយ័ត្នបានជ្រុលទៅបុកស្លាកចរាចរណ៍ និងមឈើមួយដើមបណ្តាលឲ្យខូចខាតរថយន្តយ៉ាងដំណំបង្កឲ្យមានការភ្ញាក់ផ្អើល ។

ហេតុការណ៍បង្កឲ្យមានគ្រោះថ្នាក់ចរាចរណ៍នេះ បានកើតមានឡើងកាលពីវេលាម៉ោង១១ និង៣៥នាទីយប់ ថ្ងៃទី០២ ខែមករា ឆ្នាំ២០២០ នៅតាមបណ្តោយផ្លូវលេខ៥៥កែងផ្លូវលេខ២១៤ នៅចំណុចខាងក្រោយខារ៉ាអូខេយីហោX ២ ស្ថិតក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ​។

យោងតាមព័ត៍មានពីអ្នកនៅក្បែរកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសម្នាក់បានបើករថយន្តមួយគ្រឿងម៉ាកឡិចស៊ីស RX330 ពណ៌ស ពាក់ស្លាកលេខ ភ្នំពេញ 2AP-6037 បើកបរតាមបណ្តោយផ្លូវលេខ៥៥ ក្នុងទិសដៅពីត្បូងទៅជើងបើកបរយ៉ាងលឿន មិនគោរពច្បាប់ខ្វះការប្រុងប្រយ័ត្នបណ្តាលឲ្យជ្រុលទៅបុស្លាកសញ្ញាចរាចរណ៍មួយផ្ទាំដួលរាបដល់ដី រួចរថយន្តបង្កនៅមិនទាន់អស់ល្បឿន ក៏បន្តទៅបុកគៀបជាប់ និងដើមឈើមួយដើមរងការខូចខាតបណ្តាលឲ្យបែកកញ្ចក់ធ្លាក់កាងទៅមុខលែងរួចតែម្តង ។ សាក្សីដដែលបានបន្តថាបន្ទាប់ពីបង្កគ្រោះថ្នាក់ចរាចរណ៍រួចគេបានឃើញបុរសជាម្ចាស់រថយន្តបានបើកទ្វាចុះពីលើរថយន្តគេចខ្លួនតែម្តងដោយទុករថយន្តចោលនៅកន្លែងកើតហេតុតែប៉ណ្ណោះ ។

សមត្ថកិច្ចបានឲ្យដេងថា ករណីគ្រោះថ្នាក់ចរាចរណ៍ខាងលើនេះ បណ្តាលមកពីអ្នកបើកបរលឿនហួសល្បឿនកំណត់ និងមិនគោរពច្បាប់ទើបបង្កឲ្យមានគ្រោះថ្នាក់បែបនេះ តែមិនបណ្តាលឲ្យមានអ្នកស្លាប់ឬរងរបួស ដោយគ្រាន់តែធ្វើឲ្យខូចខាតទ្រព្យសម្បត្តិរដ្ឋ និងរងយន្តតែប៉ុណ្ណោះ ។

ក្រោយពេលកើតហេតុ រថយន្តបង្កត្រូវបានសមត្ថកិច្ចវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃសង្នការរាជធានីភ្នំពេញដើម្បីរង់ចាំដោះស្រាយនៅពេលក្រោយ ៕ ធឿនព្រែកជ័យ