ជនជាតិចិនតៃវ៉ាន់ប្រុសស្រី២នាក់ រក្សាទុកសារធាតុផ្សំគីមីកែច្នៃ រួមនឹងសារធាតុញៀនជាច្រើន ត្រូវសមត្ថកិច្ចបង្ក្រាប

ភ្នំពេញ៖ សារធាតុផ្សំគីមីកែច្នៃ រួមនិងសារធាតុញៀនជាច្រើនប្រភេទ ដែលជនជាតិចិនតៃវ៉ាន់ប្រុសស្រី២នាក់ រក្សាទុក ត្រូវបានកម្លាំងអធិការដ្ឋាននគរបាលខណ្ឌសែនសុខ ធ្វើការសហការជាមួយការិយាល័យប្រឆាំងគ្រឿងញៀន ស្រាវជ្រាវបន្ត ឃាត់ខ្លួនជនសង្ស័យជាបន្តបន្ទាប់ កាលពីវេលាម៉ោង១និង៣០នាទីរសៀល ថ្ងៃទី០៦ ខែមករា ឆ្នាំ២០២០ នៅផ្ទះជួលលេខ៥៨ ផ្លូវP៩ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។

យោងតាមរបាយការណ៍របស់មន្រ្តីនគរបាលខណ្ឌសែនសុខ បានឲ្យដឹងថា កម្លាំងជំនាញខណ្ឌបានសហការជាមួយការិយាល័យប្រឆាំងគ្រឿងញៀន ស្រាវជ្រាវបន្តឃាត់ខ្លួនជនសង្ស័យបន្ថែមម្នាក់ ឈ្មោះ ស៊ី អាយអី ភេទស្រី អាយុ២១ឆ្នាំ ជនជាតិចិនតៃវ៉ាន់ មុខរបរទេសចរណ៍ ស្នាក់នៅផ្ទះជួលលេខ៥៨ ផ្លូវP៩ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខកាន់លិខិតឆ្លងដែនលេខ316254263 ពាក់ពន្ធ័ករណីរក្សាទុកសារធាតុផ្សំគីមីកែច្នៃនិងប្រើប្រាស់សារធាតុញៀន នៅចំណុចតាមផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។

ប្រភពដដែលបន្តថា កាលថ្ងៃទី៥ ខែមករា ឆ្នាំ២០២០ វេលាម៉ោង៩ និង៣០នាទីយប់ ស្ថិតនៅចំណុចផ្ទះជួលលេខ៥៨ ផ្លូវP៩ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ កម្លាំងការិយាល័យប្រឆាំងគ្រឿងញៀន បានឃាត់ខ្លួនជនសង្ស័យ ឈ្មោះ លី តាយឈាវ ភេទប្រុស អាយុ៤១ ជនជាតិចិនតៃវ៉ាន់ មុខរបរបើកអ៊ីនធឺណេត ស្នាក់នៅក្នុងផ្ទះជួលលេខ៥៨ ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ កាន់លិខិតឆ្លងដែនលេខ(បាត់) ។ ដោយដកហូត អាវុធខ្លី០២ដើម(១-ម៉ាកZORAKIM906 ពណ៌ខ្មៅ លាយទឹកប្រាក់ លេខ០០០១៣០៧ , ២-ម៉ាកឡុកអីទ្រីសលេខPAD529 ពណ៌ខ្មៅ , បង់២គ្រាប់១៨គ្រាប់ , សំបកគ្រាប់៣៥គ្រាប់ , លិខិតឆ្លងដែន០៤ , ម្ស៉ៅសថ្លា ៤៨ដប់ជ័យ , ថ្នាំគ្រាប់ពណ៌ក្រហម ៥គ្រាប់ , ក្រាមសថ្លា ១កូនថង់តូច , ម្ស៉ៅម៉ដ្ឋពណ៌ស១កញ្ចប់តូច , ម្ស៉ៅពណ៌ក្រាមសថ្លា ៣០៧ដបតូច ,ថ្នាំគ្រាប់ពណ៌ទឹកក្រូច១៥ក្រាប់, ម្ស៉ៅពណ៌ទឹកដោះគោកន្លះដបជ័យ , ម្ស៉ៅម៉ដ្ឋពណ៌ទឹកក្រូចកន្លះថង់ធំ , ម្ស៉ៅម៉ដ្ឋពណ៌ទឹកដោះគោ១ថង់ធំ និងសម្ភារៈមួយចំនួនទៀត ។

បច្ចុប្បន្ន ជនសង្ស័យប្រុសស្រីទាំង២នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ចន្ទ លិហ្សា