សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ជិះម៉ូតូមួយគ្រឿងមកធ្វើសកម្មភាពកាច់សោរ.កម៉ូតូមួយគ្រឿងបានសម្រេច តែត្រូវប្រជាពលរដ្ឋដែលនៅក្បែរមកទាន់ក៏ចាប់ប្រគល់ជូននគរបាលកាលពីវេលាម៉ោង២ និង៣០នាទីរំលងអធ្រាត្រ ឈានចូលថ្ងៃទី១៥ ខែមករា ឆ្នាំ២០២០ នៅចំណុចផ្ទះជួលមួយកន្លែងផ្លូវ៤៨៨ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
សមត្ថកិច្ចបញ្ជាក់ថា ជនរងគ្រោះឈ្មោះស៊ុំ សុខវេន ភេទស្រី អាយុ២០ ឆ្នាំ ស្នាក់នៅផ្ទះលេខ១០ ផ្លូវលេខ៤៨៨ សង្កាត់ផ្សារដើមថ្កូវ ខណ្ឌចំការមន ។ ចំណែកជនសង្ស័យទី១ ឈ្មោះម៉ម រស្មី ភេទប្រុស អាយុ២០ ឆ្នាំ ស្នាក់នៅភូមិវាល ស្រុកព្រៃក្បាស់ ខេត្តតាកែវ ។ ទី២ឈ្មោះ ជៀម វិសាល ភេទប្រុស អាយុ២១ ឆ្នាំ មុខរបរនៅសាលាBSE ស្នាក់នៅជិតផ្សារប៉េសេ សង្កាត់ទួលទំពូក២ ខណ្ឌមានជ័យ ។ ចំណែកបក្ខពួកមួយទៀតឈ្មោះពៅវណ្ណា ភេទប្រុស អាយុ១៥ ឆ្នាំមុខរបរ ជាងឡាន ស្នាក់នៅសង្កាត់បឹងទំពុន២ ខណ្ឌមានជ័យ រាជធានីភ្នំពេញ ។
ម៉ូតូដែលជនសង្ស័យជិះយកមកធ្វើសកម្មភាពម៉ាកហុងដាឌ្រីមសង់ស៊េរី ឆ្នាំ២០០៤ ពណ៌ខ្មៅ ពាក់ស្លាកលេខក្រចេះ 1A 8815 ។ ចំណែកម៉ូតូរងគ្រោះម៉ាកនិច ពណ៌ស ពាក់ស្លាកលេខ ភ្នំពេញ 1FH 6459 ។
តាមសម្តីជនរងគ្រោះបានឲ្យដឹងថា មុនពេលកើតហេតុខ្លួនបានខ្ចីម៉ូតូបងជិះម៉ូតូទៅញាំអី ហើយរួចបំណងយកម៉ូតូឲ្យបងវិញតែ ដោយខលទៅបងមិនលើក ក៏ទុកម៉ូតូខាងក្រោមផ្ទះជួលខ្លួនចាក់សោកត្រឹមត្រូវហើយឡើងទៅសម្រាកបាត់ លុះមកដល់វេលាកើតហេតុស្រាប់តែមានគេប្រាប់ថាមានចោរលួចម៉ូតូខ្លួន ។
បើតាមសាក្សីពីបុរសអ្នករត់Passapp បានឲ្យដឹងថា មុនពេលកើតហេតុរូបគាត់ចាំដឹកម៉ូយនៅមុខខារ៉ាអូខេJ ដោយផ្ទះគាត់ស្នាក់នៅកន្លែងកើតហេតុ ខណៈរូបគាត់ជិះកាត់មុខច្រកចូលក៏ឃើញជនសង្ស័យចំនួន២នាក់ប្លែកមុខទើបចាំមើល ខណៈឃើញជនសង្ស័យម្នាក់ដើរចូលទៅខាងក្នុងចំណែកម្នាក់ទៀតអង្គុយចាំខាងក្រៅ ពេលនោះគាត់ក៏បានដើរចូលទៅខាងក្នុងមើលស្រាប់តែឃើញជនសង្ស័យកំពុងធ្វើសកម្មភាពកាច់សោរកម៉ូតូបានសម្រេចកំពុងអូសចេញទើបគាត់សួរនាំភ្លាមនោះជនសង្ស័យក៏ស្ទុះមកវាយរូបគាត់ទើបគាត់តដៃ និងហៅបក្ខពួកម្នាក់ទៀតមកជួយចាប់បានទាំង២នាក់តែម្តងរួចប្រគល់ជូននគរបាល ។
ក្រោយឃាត់ខ្លួនជនសង្ស័យទាំង២រួច ក៏មានបក្ខពួកម្នាក់ទៀតខលមកទើបនគរបាលបន្តទៅនាំខ្លួនម្នាក់ទៀតយកមកសួរនាំ និងចាក់កាតាមច្បាប់ ៕ សុខាសែនជ័យ
