សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ម៉ូតូចំនួន១៥គ្រឿង ដែលបំពាក់បំពងសំឡេងស៊ីមាំងប្រែន តែងតែបង្កការរំខានដល់ដំណេកប្រជាពលរដ្ឋនាពេលកន្លងមកនេះ ឥឡូវត្រូវបាន កម្លាំងនគរបាលខណ្ឌដូនពេញ បន្តចុះបង្រ្កាបតាមដងផ្លូវមួយចំនួនក្នុងមូលដ្ឋានរបស់ខ្លួនរយៈពេល២ថ្ងៃ ។
មន្រ្តីនគរបាលខណ្ឌដូនពេញ បានបញ្ជាក់ថា ប្រតិបត្តិការបង្ក្រាបក្រុមម៉ូតូតូចធំ ដែលជាមធ្យោបាយដាក់បំពងសំឡេងស៊ីមាំងប្រែនបង្កការរំខានដល់ដំណេកប្រជាពលរដ្ឋនេះ បានធ្វើឡើងរយៈពេល ២ថ្ងៃ ជាលទ្ធផលនៃកិច្ចប្រតិបត្តិការឃាត់បានចំនួន១៥គ្រឿង ដោយថ្ងៃទី១៣ ខែមករា ឆ្នាំ២០២០ បង្ក្រាបបាន ៣គ្រឿង និងថ្ងៃទី១៤ ខែមករា ឆ្នាំ២០២០ បង្ក្រាបបាន ១២គ្រឿង ។
មន្រ្តីដដែលបន្តថា ក្រោយប្រតិបត្តិការរួចម៉ូតូចំនួន១៥គ្រឿងនោះ ត្រូវបានយកមករក្សាទុកនៅអធិការដ្ឋាន ដើម្បីអប់រំណែនាំ ដល់ម្ចាស់យានយន្ត ឲ្យបញ្ឃប់ការប្រើប្រាស់មធ្យោបាយខុសប្រក្រតី ។
បច្ចុប្បន្ន ចំពោះមុខអធិការដ្ឋាន និងប៉ុស្តិ៍ទាំង១១ នឹងនៅតែបន្តការខិតខំ ដើម្បីបង្ក្រាបជាប្រចាំផងដែរ ៕ ស រស្មី
