សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប ៖ សមត្ថកិច្ច បានឲ្យដឹងថា បុរសវ័យចំណាស់ជនជាតិបារាំងម្នាក់ បានស្លាប់ដោយសារជំងឺ រលាកសួតធ្ងន់ធ្ងរ នៅក្នុងមន្ទីរពេទ្យអន្តរជាតិរ៉ូយ៉ាល់អង្គរ កាលពីវេលាម៉ោង១៧ និង២១នាទីថ្ងៃទី១៣ ខែមករា ឆ្នាំ២០២០ ស្ថិតនៅភូមិ កសិកម្ម សង្កាត់ ស្រង៉ែ ក្រុងសៀមរាប ខេត្តសៀមរាប ។
សមត្ថកិច្ច បានឲ្យដឹងទៀតថា បុរសជនជាតិបារាំងនោះមានឈ្មោះ KANDIL ABDERRAHMANE ភេទ ប្រុស អាយុ៦៨ឆ្នាំ ជនជាតិ បារាំង កាន់លិខិតឆ្លង ដែនលេខ ១៣CP៦២៦៣៥ ជាភ្ញៀវទេសចរណ៍ ស្នាក់នៅសណ្ឋាគារ សាឯម ។
សមត្ថកិច្ច បន្ថែមថា ផ្អែកតាមការស្រាវជ្រាវរបស់សមត្ថកិច្ចជំនាញ និងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការបានសន្និដ្ឋានថា ជនរងគ្រោះស្លាប់ដោយសារជំងឺ រលាកសួតធ្ងន់ធ្ងរ ។
សាកសពជនរងគ្រោះត្រូវបានរក្សាទុកបណ្ដោះអាសន្ននៅមន្ទីរពេទ្យអន្តរជាតិរ៉ូយ៉ាល់អង្គរ ដើម្បីរង់ចាំការសម្រេចពីក្រុមគ្រួសារ និងស្ថានទូត ៕ ប៊ុនរិទ្ធី
