ស្រវឹងបើកបរម៉ូតូ គ្មានការប្រុងប្រយ័ត្ន បណ្ដាលឲ្យដួលបោកក្បាលស្លាប់

ខេត្តឧត្ដរមានជ័យ៖ ថ្ងៃទី២២ ខែមករា ឆ្នាំ២០២០ វេលាម៉ោង១៦-០០នាទី មានករណីគ្រោះថ្នាក់ចរាចរណ៍មួយ កើតឡើងនៅលើផ្លូវគ្រួសក្រហម ក្នុងភូមិទំនប់ ឃុំត្រពាំងតាវ ស្រុកអន្លង់វែង ដោយម៉ូតូដួលខ្លួងឯង ជនរងគ្រោះឈ្មោះ ថៃ​ សុភាន់ ភេទប្រុស អាយុ៤០ ឆ្នាំ រស់នៅភូមិព្រែកទូក ឃុំបាក់ដាវ ស្រុកខ្សាច់កណ្តាល ខេត្តកណ្តាល ។

សមត្ថកិច្ចបានឲ្យដឹងថា សាកសពខាងលើ មកលេងបងនៅភូមិ ឃុំកើតហេតុ បើកបរម៉ូតូម៉ាក ហុងដាឌ្រីម សេ១២៥ ស៊េរី២០០៥ ពណ៌ខ្មៅ គ្មានស្លាកលេខ បានផឹកស៊ីស្រវឹង ហើយជិះម៉ូតូទៅយកប្រពន្ធនៅភូមិទួលស្វាយ ដល់ចំណុចកើតហេតុ ក៏ដួលបោកក្បាល បណ្តាលឲ្យស្លាប់ ។

ក្រោយការត្រួតពិនិត្យ របស់សមត្ថកិច្ច រួចកបានប្រគល់សាកសពជូនក្រុមគ្រួសារយកទៅធ្វើបុណ្យទៅតាមប្រពៃណី ៕ ប៉ែន នួន