ព័ត៌មានទាន់ហេតុការណ៍៖

ពលរដ្ឋអាមេរិក​​ ២៤០នាក់ និងពលរដ្ឋជប៉ុន​២០៦នាក់​បានជម្លៀសចេញពី​ទីក្រុងវូហាន

ចែករំលែក៖

កាលពីយប់ ថ្ងៃទី​២៨ ខែមករា​ យន្តហោះដឹកពលរដ្ឋអាមេរិក​២៤០ នាក់ បានចាកចេញពីទីក្រុង វូហាន​ទៅកាន់ទីក្រុង​ Ontario ​ រដ្ឋកាលីហ្វ័រញ៉ា​ ក្នុងពេលដែលវីរុស រាលដាលកាន់តែខ្លាំង​ ។ ជាមួយគ្នានេះដែរ​ ជប៉ុនក៏បានជម្លៀសពលរដ្ឋ​របស់ខ្លួន​២០៦​នាក់ចេញពីទីក្រុងវូហានទៅកាន់ជប៉ុនវិញដោយជោគជ័យ ។

ជាមួយគ្នានេះដែរបណ្តាប្រទេសនៅតំបន់អាស៊ីភាគកណ្តាល ដែលមានបន្ទាត់ព្រំដែនជាប់ប្រទេសចិន​បានសម្រេច​​បិទព្រំដែន​​ និងផ្អាកផ្តល់ទិដ្ឋាការ​​ ដូចដែលធ្លាប់បានធ្វើកាលពីឆ្នាំ​២០០៣​ដើម្បីទប់ស្កាត់វីរុស​ SARS ។

នៅពេលនេះ​ប្រទេសស្ថិតនៅតំបន់​អាស៊ីភាគកណ្តាល​មិនទាន់មានករណីឆ្លងវីរុស កូរ៉ូណានៅឡើយទេ​ ប៉ុន្តែប្រទេសទាំងនោះ​បានសម្រេចបិទព្រំដែន​ ក្នុងនោះមាន ប្រទេស (Kazhakstan, Uzbekistan, Turkmenistan, Tajkistan, Kyrgyzstan) ។

នៅបណ្តាប្រទេស ក្នុងតំបន់អាស៊ីភាគកណ្តាល ពលរដ្ឋ​បារម្ភយ៉ាងខ្លាំងពីជំងឺឆ្លង​ ដោយសារតែប្រទេសទាំងនោះ មិនមានបទពិសោធនៅក្នុងការទប់ស្កាត់​ ។ រដ្ឋាភិបាល​បានបណ្តាប្រទែស ក្នុងតំបន់អាស៊ីភាគកណ្តាល បានផ្តល់ព័ត៌មាន​​ដល់ពលរដ្ឋថាមិនមានករណីឆ្លងនោះឡើយ ។ ប៉ុន្តែពលរដ្ឋនៅមិនស្ងប់ចិត្តនោះឡើយ​ ទើបធ្វើឲ្យរដ្ឋាភិបាលសម្រេចផ្អាក់ផ្តល់ទិដ្ឋាការ​ដល់ពលរដ្ឋចិន ។

ជាមួយគ្នានេះដែរ រដ្ឋាភិបាលទីក្រុងប៉េកាំង​​បានប្រកាសថា ចិនមានជំនឿជឿជាក់ក្នុងការទប់ស្កាត់​​​ការឆ្លងរាលដាលនៃវីរុស​កូរ៉ូណា​ក្នុងពេលដ៏ខ្លីខាងមុខ​៕


ចែករំលែក៖