សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បំពង់ខ្យល់សម្រាប់លាងម៉ូតូបានផ្ទុះកក្រើកឡើង ធ្វើឲ្យស្រ្តីម្នាក់រងរបួសធ្ងន់ បង្ករឲ្យមានការភ្ញាក់ផ្អើល ។ ហេតុការណ៍ផ្ទុះបំពង់ខ្យល់នេះ បានកើតឡើងកាលពីវេលាម៉ោងជិត១២ថ្ងៃត្រង់ ថ្ងៃទី២៩ ខែមករា ឆ្នាំ២០២០ នៅក្នុងឃុំពាមឆ្កោក ស្រុកជលគិរី ខេត្តកំពង់ឆ្នាំង ។
សមត្ថកិច្ចមូលដ្ឋានបានឲ្យដឹងថា ស្ត្រីរងគ្រោះឈ្មោះ មាន គឹមអ៊ន អាយុ៣៨ឆ្នាំ រស់នៅក្នុងភូមិ ឃុំកើតហេតុខាងលើ ។ ស្ត្រីរងគ្រោះបានរងរបួសត្រង់កជើង១កន្លែង ,កំភួនជើង១កន្លែង និងរបួសកដៃស្តាំ១កន្លែង ។ ក្រោយពេលកើតហេតុត្រូវបានក្រុមគ្រួសារបញ្ជូនមកសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង ។
ប្រភពនៅកន្លែងកើតហេតុបានឲ្យដឹងថា នៅមុនពេលកលតហេតុ ស្រ្តីរងគ្រោះកំពុងលាងម៉ូតូ និងបញ្ចូលខ្យល់ទៅក្នុងបំពង់ខ្យល់ នៅពេលកំពុងតែធ្វើសកម្មភាពលាង និងបូមខ្យល់នោះ មិននដឹងជាយ៉ាងដូចម្តេច ក៏បណ្តាលឲ្យបំពង់ខ្យល់នោះផ្ទុះកក្រើកតែម្តង បណ្តាលឲ្យអំបែងនៃបំពង់ខ្យល់នោះប៉ើងត្រូវជនរងគ្រោះផងដែរ ៕ ចន្ថា
