សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅរសៀលថ្ងៃពុធ ទី២៩ ខែមករា ឆ្នាំ២០២០ នៅចំណុច បឹងកាឡូ មួយកន្លែង ត្រូវបានអគ្គិភ័យឆាបឆេះផ្ទះចំនួន ០១ ខ្នងទាំងស្រុង ដែលធ្វើពីឈើប្រក់ស្បូវ ទទឹង៤ម៉ែត្រ បណ្តោយ៧.៥០ម៉ែត្រ ស្ថិតនៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ។
បើតាម លោក ហេង គីមអាន អធិការក្រុងកោះរ៉ុងបានប្រាប់ ឲ្យដឹងថា ម្ចាស់បឹងកាឡូមានឈ្មោះ ហេង សត្យា ភេទប្រុស រស់នៅទីក្រុងភ្នំពេញ ដែលបានជួលទៅឲ្យជនបរទេស២នាក់ស្នាក់នៅ ។ ប៉ុន្តែពេលកើតហេតុជនបរទេសទាំងពីរនាក់ពុំបាននៅក្នុងផ្ទះបឹងហ្គាឡូនោះទេ ។
ពេលកើតហេតុត្រូវបានសមត្ថកិច្ច និងប្រជាពលរដ្ឋនៅក្បែរនោះ ជួយពន្លត់ទាន់ពេលវេលា មិនបណ្តាលឲ្យឆេះរាលដាលដល់ផ្ទះដទៃទៀតទេ ។ អគ្គិភ័យមួយនេះ មិនបណ្ដាលឲ្យនរណាម្នាក់រងគ្រោះថ្នាក់នោះដែរ ។ ប៉ុន្តែសម្ភារក្នុងផ្ទះនៃបឹងកាឡូ គឺខូចខាតទាំងស្រុង ។
អគ្គិភ័យនេះមិនទាន់ដឹងទេ ថាមកពីមូលហេតុអ្វីនោះទេ ។ សមត្ថកិច្ចកំពុងតែស្រាវជ្រាវបន្ត ៕ ឆ្លាម សមុទ្រ
