សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ៖ ដីព្រៃឈើសំបូរទៅដោយដើមឈើស្រោងទ្រុឌទ្រោម ១០០ហិកតា កំពុងតែទទួលរងការបំផ្លេចបំផ្លាញ ឈូសឆាយ រានព្រៃ យកដី កាលពីថ្ងៃទី៣១ ខែមករា ឆ្នាំ២០២០ ស្ថិតនៅភូមិចំនួន ២ គឺព្រំប្រទល់ភូមិស្រឡៅស្រោង និងភូមិ ត្រពាំងធំ ឃុំលំទង ស្រុកអន្លង់វែង ខេត្តឧត្ដរមានជ័យ ។
សមត្ថកិច្ចម្នាក់ ឲ្យដឹងថា ជាដីរបស់លោកឧកញ៉ាម្នាក់នៅខេត្តសៀមរាប ចំនួន១០០ហិកតា បានដាក់គ្រឿងចក្រប្រភេទអាប៊ុល ចំនួន៣គ្រឿង និងមានច្បាប់ឈូសឆាយពីអាជ្ញាធរ ខេត្តឧត្ដរមានជ័យ ។
ជាក់ស្ដែងដីព្រៃឈើ១០០ហិកតាកំពុងធ្វើសកម្មភាពឈូសឆាយបំផ្លិចបំផ្លាញព្រៃឈើ ខាងលើ មិនទាន់មានសមត្ថកិច្ច រឺក៏សមត្ថកិច្ចជំនាញ ក៏ដូចជាអាជ្ញាធរទៅសួរនាំ ឬក៏ចុះទៅពិនិត្យនៅលើទីតាំងដីនោះនៅឡើយ ។
លោកសូត ស៊ីសុខឃាង ប្រធានមន្ទីរកសិកម្ម ខេត្តឧត្ដរមានជ័យ លោកថា លោកមិនបានដឹងរឿងនេះទេ ចាំឲ្យមន្រ្ដីចុះទៅមើល ។
លោក ហោ ជិនវីរ:យុទ្ធអភិបាល ស្រុកអន្លង់វែងបានឲ្យដឹងថា មិនទាន់ទទួលបានរបាយការណ៍ណាមួយនៅឡើយ ព្រោះយន្ដការច្រក អង្គភាព ច្រកចេញចូលតែមួយ ជាអ្នកផ្ដល់សេវាតាមទំហំដី ប្រសិនបើមានបណ្ណ័កម្មសិទ្ធិស្របច្បាប់ ៕ ប៉ែន នួន
