សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ដេីរចេញពីផ្ទះបំណងទៅរកញាំអីជាមួយមិត្តភ័ក្តិស្រាប់តែមានជនង្ស័យចំនួន៤នាក់ជិះម៉ូតូ២គ្រឿងមកធ្វេីសកម្មភាពវាយប្លន់យកការបូបលុយនិងទូរស័ព្ទហេីយគេចខ្លួនបាត់ដោយ សុវត្ថិភាព។
ហេតុការណ៍នេះបានកេីតឡេីងកាលពីវេលាម៉ោងរំលងអធ្រាត្រ ឈានចូលថ្ងៃទី៦ ខែកុម្ភៈ ឆ្នាំ២០២០ នៅចំណុចផ្លូវលេខ១៦៣ កែងផ្លូវលេខ៤៥៦ ស្ថិតក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញ ។
ជនរងគ្រោះឈ្មោះសុខហេង ភេទប្រុស អាយុជាង៣០ឆ្នាំ ដែលទេីបនឹងមកពីប្រទេសចិន ស្នាក់នៅសង្កាត់ទួលទំពូងទី១ ខណ្ឌចំការមន រាជធានីភ្នំពេញ ។ សម្ភារៈដែលជនសង្ស័យប្លន់យកនោះមានទូរស័ព្ទ iPhone 11 bro មួយគ្រឿងកាបូបលុយ ក្នុងនោះមានលុយមួយចំនួន ។
តាមសម្តីជនរងគ្រោះបានឲ្យដឹងថា មុនពេលកេីតហេតុរូបគាត់បានចេញពីផ្ទះបំណងដេីរមកជួបមិត្តភ័ក្តិដេីម្បីទៅរកអីហូប ខណៈកំពុងដេីរតាមផ្លូវបណ្តេីរលេីកទូរស័ព្ទនិយាយជាមួយមិត្តភ័ក្តិបណ្តេីរភ្លាមនោះស្រាប់តែមានជនសង្ស័យចំនួន៤នាក់ជិះម៉ូតូ២គ្រឿងមកធ្វេីសកម្មភាពវាយរូបគាត់មួយដៃគម្រាមប្លន់យកការបូបលុយនិងទូរស័ព្ទហេីយគេចខ្លួនបាត់។
ក្រោយកេីតរូបគាត់បានត្រឹមដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទួលទំពូងទី១ដេីម្បីងាយស្រួលសមត្ថកិច្ចកំណត់មុខសញ្ញា ៕ សុខាសែនជ័យ
